Balla: Topalli u kujtua teper vone, per seance te Jashtezakonshme
Denis Dedej
Partia Socialiste iu pergjigj dje deklarates se kryetares se Kuvendit, Jozefina Topalli, duke vleresuar se eshte teper vone per te thirrur nje seance te jashtezakonshme. Permes nje komunikimi per mediat deputeti i selise roze, Taulant Balla, deklaroi se seanca e 18 janarit eshte seanca e pare e sesionit te ri kuvendor, ndersa kujtoi se seanca e Jashtezakonshme do te zhvillohet per PS-ne, diten e sotme ne oren 11:00. "Zonja Jozefina, eshte kujtuar teper vone per te thirrur nje seance te Jashtezakonshme per Shkodren, per aq kohe sa, sipas nenit 74 te Kushtetutes se Republikes se Shqiperise, seanca e javes se trete te janarit, pra e dates 18 janar 2010, eshte seanca e pare e sesionit te ri kuvendor", deklaroi Balla. Sipas tij, "zonja Topalli u kujtua teper vone per nje seance te jashtezakonshme per Shkodren, sepse kur Buna dhe liqeni filluan te derdhen mbi Shkoder, ajo ia mbathi per turizmin politik te radhes dhe per shoping ne "Rue Neuve", dyqaneve me te shtrenjta te Brukselit, per blerjet e jashtezakonshme te rrobave te reja per vitin e ri 2010". Per zyrtarin e larte socialist, "kryeparlamentarja nuk u kujtua per seancen e jashtezakonshme te Kuvendit kur ministri pergjegjes, Dritan Prifti, nuk ishte ne krye te detyres sepse festonte ne nje nga hotelet me te jashtezakonshem te Stambollit, teksa Shkodra dhe veriu permbyteshin nga papergjegjshmeria e tij dhe e Sali Berishes". "Sot qe zonja Jozefina po ben nje politike tallese me fatkeqesine e Shkodres e me Kushtetuten, u kujtoj shkodraneve e gjithe shqiptareve, se deri me date 13 janar 2010, kryetarja e Kuvendit te Shqiperise, ka harxhuar per udhetime jashte vendit, 7 here me shume se te gjithe kryetaret e Kuvendit te Shqiperise, te marre te gjithe sebashku", beri te ditur Taulant Balla. Duke vijuar me tej, ai nenvizoi se "deri tani turistja Jozefina Topalli, i ka kushtuar buxhetit shqiptar 756.430 Euro". Sipas tij, "kryetarja e Kuvendit ka shpenzuar 2 here e gjysme me shume sesa kryetaret e Parlamenteve te Maqedonise, Malit te Zi, Kosoves dhe Bosnje Hercegovines te marre sebashku". "I them Sali Berishes, edhe zonjes Jozefina, se seanca e Jashtezakonshme per zbardhjen e "Gerdecit", te ujit qe mbyti Shkodren, do te behet neser (sot), ne oren 11.00 nga Partia Socialiste, ku do te prezantohen provat, faktet e shifrat, qe tregojne fajesine e plote te qeverise shqiptare e te KESH-it, per mbytjen me uje, te mijera shtepive e hektareve toke te mbjella, duke provokuar tmerrin e mijera familjeve e ankthin e nje populli te tere per fatin e atyre fatkeqeve", njoftoi deputeti i selise roze. Ne fund te fjales se tij, Taulant Balla i drejtoi thirrje kryetares se Kuvendit, qe "t'i lere diversionet me seanca te Jashtezakonshme e me djegie mandatesh te deputeteve socialiste, sepse jo vetem s'ka ndermend kush t'ia fale ato mandate Sali Berishes, por me fuqine e jashtezakonshme te popullit, do te djegin mandatin e ketij Parlamenti e te kesaj qeverie, permes protestave qe nuk do te ndalen nese Saliu dhe zonja Jozefina, nuk pranojne te hetohen kutite ku mbajne peng te verteten e mandateve te tyre".