PS: Cdo perpjekje per te manipuluar provat, e deshtuar
Deputetja e Partise Socialiste, Ermonela Felaj, deklaroi dje se "cdo perpjekje per te manipuluar provat qe tregojne te verteten e katastrofes qe permbyti Shkodren, katastrofe kjo e shkaktuar nga dora e njeriut, eshte e deshtuar". Permes nje deklarate per shtyp, deputetja socialiste tha se cdo perpjekje per te manipuluar opinionin publik, se vershimi i ujit qe permbyti Veriun, ishte nje fatkeqesi natyrore qe ndodh 1 here ne 100 vjet, eshte gjithashtu e deshtuar. "Cdo perpjekje e deshperuar per te zhdukur provat, e te gjithe atyre qe jane pergjegjes te drejtperdrejte te kesaj katastrofe, qe me veprimet apo mosveprimet e tyre, lejuan permbytjen e me shume se 11 mije hektare toke, siperfaqe kjo 4 here me e madhe se ajo mbi te cilen shtrihet qyteti i Tiranes, eshte plotesisht e deshtuar", deklaroi Felaj. Sipas saj, shqiptaret sot do te mesojne te verteten. Duke vijuar me tej, ajo sqaroi se shqiptaret do te mund te njihen me faktet, shifrat dhe evidencat qe provojne fajesine e plote te qeverise shqiptare dhe te KESH-it per permbytjen qe shkaktoi tmerrin e mijera familjeve shkodrane dhe ankthin e nje populli te tere per fatin e fatkeqeve. "I ftoj te gjithe shqiptaret, te ndjekin neser (sot), ne oren 10.30, Asamblene Kombetare te Partise Socialiste, per te mesuar te verteten e hidhur te kesaj katastrofe qe tronditi Shqiperine dhe la qindra familje shkodrane pa banesa, pa prodhim, pa bageti, pa shprese", drejtoi ftesen qytetareve deputetja e PS, Ermonela Felaj.