Ballkani Perëndimor më pranë heqjes së regjimit të vizave

Komisioneri evropian për zgjerimin, Oli Rehn, pritet të prezantojë të martën strategjinë për zgjerim të BE-së dhe sfidat kryesore të saj. Në këtë strategji thuhet se “Komisioni Evropian duhet të fillojë të ndërmarrë hapa konkretë për heqjen e vizave me vendet e Ballkanit Perëndimor”. Por, për të arritur në bisedimet midis shteteve dhe Këshillit të Evropës duhet plotësuar një kornizë ligjesh që ka të bëjë me realizimin e reformave të brendshme. Mes vendit tonë dhe BE-së pritet që nga 1 janari të fillojë zbatimi i marrëveshjes se lehtësimit të regjimit të vizave.