Banka Boterore, 80 milione leke per Elbasani

Elbasan- Banka Boterore ka akorduar 80 milione leke per investime ne rruget e qytetit te Elbasanit. Sipas nenkryetarit te bashkise, Serafin Papa, shuma eshte akorduar ne formen e kredise, fonde te cilat do te investohen per rikonstruksionin e nje sere rrugesh te qytetit. "Kesaj shume i eshte shtuar edhe nje fond prej 10 milione lekesh te miratuara nga keshilli bashkiak i Elbasanit, qe gjithashtu do te sherbeje serish per investime ne rruge", tha Papa. Fondi i dhene nga Banka Boterore pret percaktimin e rrugeve te qytetit ku do te perdoret. Aktualisht pjesa derrmuese e investimeve te realizuara ne akset kryesore rrugore te qytetit te Elbasanit jane bere te mundura nga fondet e qeverise dhe vete bashkise. Vlen te theksohet fakti se vetem para disa ditesh, ka perfunduar rikonstruksioni total i aksit rrugor nga Rotonda, tek "1 Maji", deri tek "Alba Posta", ne qender te qytetit, me nje fond prej 34 milione lekesh. Mesohet se 25 milione leke jane dhene nga granti konkurrues i buxhetit te shtetit dhe 9 milione leke nga bashkia e Elbasanit. Gjithashtu pritet qe te nisin punimet ne aksin rrugor nga Rotonda tek "Dega e Doganes", deri ne dalje te qytetit, me nje fond prej 40 milione lekesh, dhene nga buxheti i shtetit. Fondi ne forme kredie i dhene nga Banka Boterore, do te perdoret per investime ne rruget e qytetit, si dhe brenda lagjeve te tij.

Fatos Salliu