Banka amerikane trondit tregjet financiare

Analizat per te ardhmen e tregut financiar ne SHBA e me tej, ishin dje, ne fokus te disa prej gazetave te medha britanike. E perditshmja "The Financial Times" hapej me titullin "Bear Stearns nxiton te kape marreveshjen". Eshte fjala per banken e tronditur amerikane te investimeve "Bear Stearns". Gazeta shkruante dje se kjo banke po perpiqej te mos humbte asnje sekonde nga tratativat per t'iu shitur gjigantit financiar JP Morgan Chase. Rezerva Federale dhe Thesari i Shtetit po e ndjekin me shume kujdes ecurine e kesaj marreveshjeje. Ato i ofruan bankes "Bear Stearns" fonde emergjente per te ulur barren qe shkakton gjendja e renduar e bankes te simotrat e saj. "The Financial Times' shkruan se per blerjen e "Bear Stearns" eshte folur se ka pasur interes edhe nga dy banka britanike, "Royal Bank of Scotland" dhe "Barclays Capital".
Gazeta "The Daily Telegraph" nen titullin "Priten trazira ne tregje pasi nje banke amerikane i mbarojne fondet", duke iu referuar krizes ne "Bear Stearns", thote se "po bien cmimet e aksioneve ne banka dhe kompani te ndryshme financiare ne Londer, pasi behet gjithnje e me e qarte se fundi i krizes se kredive eshte larg". Bordi i kesaj banke amerikane qe ka 1500 punonjes ne filialin e saj ne Londer, zhvilloi gjate fundjaves bisedime urgjente. Ekspertet citohen nga "The Daily Telegraph" te thone se kjo jave mund te jete shume e trazuar dhe shperthyese, ndersa kriza e kredive po demton besimin: "Do te jete nje jave e frikshme, sepse s'ka asgje me te keqe sesa e panjohura". Sekretari i Thesarit te Shteteve te Bashkuara, Henry Paulson, dje e mbrojti financimin emergjent qe iu ofrua bankes "Bear Stearns". Sipas gazetes, neser pritet qe Rezerva Federale te ule perqindjen e interesit me 0,75 per qind, nga frika ne rritje se ekonomia me e madhe ne bote eshte ne prag, mundet edhe ne mes te recesionit.
Kurse britanikja tjeter "The Times", ne faqen e komenteve redaksionale, parashikon se rrezimi i bankes "Bear Stearns" mund te sjelle pasoja ne tregun nderkombetar financiar. "Para autoriteteve amerikane shtrohet detyra e qetesimit te tregjeve, te cilat aktualisht ofrojne shumellojshmerine me te madhe ne historine e tyre". "The Times" analizon se kriza e tanishme e tregjeve financiare eshte produkt i vete sistemit bankar, i nje loje te pakujdesshme me huat. E vetmja rrugedalje nga kjo krize, sipas gazetes, eshte qe autoritetet amerikane, ne bashkepunim me bankat qendrore te vendeve te tjera, te vazhdojne te luftojne panikun e perhapur ne tregjet financiare.
Edhe "The Guardian", e kishte lajmin e bankes "Bear Sterns" ne krye te faqeve financiare. Krahas parashikimeve te analisteve se banka e rendesishme e Wall Street-it me 85 vjet histori mund te fshihet nga faqja e dheut, gazeta citon dhe deklaratat optimiste te sekretarit amerikan te Thesarit, Henry Paulson: "Institucionet dhe bankat amerikane jane shume te forta dhe do te vazhdojne te mbeten te tilla dhe pas ketij zhvillimi".