Bankat te ulin cmimin e sherbimeve
Qeveria i ka favorizuar bankat tregtare, duke detyruar me "force" biznesin qe te beje te gjithe pagesat ne sportelet e tyre, por bankat nuk i kane ulur cmimet e sherbimeve ndaj biznesit. Shqetesimi eshte percjelle nga Kryeministri Sali Berisha, dje, gjate prezantimit te ceremonise per fillimin nga puna te Regjistrit te Kredive.
"Ne morem nje vendim ne favor te tregut bankar. Ndermorem nje vendim ne interes te transparences se veprimeve financiare, jashte cdo lloj koncepti per te gjobitur sipermarrjet. Ndaj, dhe une po ju bej thirrje bankave te Shqiperise, per te cilat kam respektin me te madh, te reagojne dhe ato ne menyre proporcionale me shtimin e vellimit te sherbimeve, me uljen e cmimit te sherbimeve, ne menyre qe kostoja e sipermarrjes private te jete sa me e pranueshme", tha Kryeministri. Nje sere vendimesh te rendesishme jane ndermarre per t'u imponuar sipermarrjeve, detyrimin per te funksionuar mbi bazen e transaksioneve bankare. Si rrjedhoje, shtoi Kryeministri, disa banka po hapin dege te reja, fale ketyre vendimeve, por, nga ana tjeter, nuk ka nje ulje te cmimit per sherbimet bankare. Aktualisht, sistemi bankar shqiptar jep interesa per depozitat tri here me pak se kerkon per kredite. Nje tjeter spekulim eshte se, norma e interesit per depozitat ne leke ne te gjitha afatet e maturimit eshte shume me e ulet se norma e fitimit, qe bankat marrin nga investimet ne blerjen e letrave me vlere te qeverise, ku aktualisht po marrin nje interes mjaft te larte. Teorikisht, bankat duhet te ofrojne nje norme interesi per depozitat ne leke, jo me te ulet se interesi qe marrin ne ankandet e bonove te thesarit. Mirepo nga vezhgimet qe ka bere me pare Banke e Shqiperise, ne sistemin bankar eshte verejtur se si ne shume linja te tjera te tregut, situata edhe ketu eshte oligopoli.
Pavaresisht se sistemi bankar eshte tashme i privatizuar dhe ne treg jane plot 17 banka, sherbimet vleresohen monopol. Treguesit e perqendrimit jane me te larte se ne shumicen e vendeve te tjera te Evropes Juglindore dhe te Bashkimit Evropian. Megjithate, bazuar ne nje metodologji me te sofistikuar te vleresimit te konkurrences, ne krahasim me vende te tjera te rajonit dhe ato me te zhvilluara, konkurrenca e sistemit bankar shqiptar gjykohet te jete ne nivele mesatare, te pranueshme per nivelin e zhvillimit te Shqiperise.
Kryeministri: Edukoni publikun
Edukimi financiar i qytetareve eshte detyre e perbashket e Bankes se Shqiperise dhe Ministrise se Financave, tha Kryeministri Sali Berisha. "Keto dy institucione kane shume ane pozitive, por kane nje fatkeqesi pothuajse te lindur, gjuhen e drunjte ne komunikimin me te tjeret. Njera pale as qe interesohet per nje gjuhe transparente, tjetra perdor nje fjalor te cilin vetem nje shtrese e caktuar qytetaresh e asimilojne", shtoi ai. Duke theksuar se edukimi financiar duhet te jete nje perparesi shume e madhe, Kryeministri vuri ne dukje se treguesit e praktikumit financiar jane te papranueshem per nje shoqeri moderne.
"Nje perqindje e madhe e qytetareve shqiptare nuk trokasin dot ne sportelet e Bankes, sepse nuk kane njohuri per te trokitur ne keto sportele, ndaj dhe le te ndermarrim nje fushate per edukimin financiar te qytetareve", tha Kryeministri.