Banorët e Dukatit protestojnë për njohjen e pronave

Protestuesit marshuan në këmbë deri përpara Bashkisë së Orikumit, duke kërkuar njohjen e të drejtës së pronësisë mbi tokat në Llogora dhe Karaburun. Të ulur këmbëkryq para bashkisë, ata kërkuan një takim kokë më kokë me kreun e saj.

Ndër kërkesat e banorëve renditet dhe hapja e portës hyrëse në Gadishullin e Karaburunit. Pak ditë më parë ata bllokuan aksin rrugor Vlorë-Sarandë, protestë e cila u shoqërua dhe me ndalimin e disa të rinjve.