Barça, në stilin e kampionit
Barcelona e ka treguar fuqinë e kampionit, duke e mposhtur Milanin në San Siro, në derbin e kësaj xhiroje në fazën e grupeve të Ligës së Kampionëve. Katalunasit janë kthyer në shtëpi me gjah të plotë, në një ndeshje spektakolare dhe me plot emocione.
Kampioni i Evropës ka kaluar në epërsi në minutën e 14-të, falë autogolit të Marc Van Bommel. Pa kaluar mirë gjashtë minuta, Zlatan Ibrahimovic i ka barazuar shifrat. Mysafirët kaluan sërish në avantazh në minutën e 31-të, kur Lionel Messi e shndërroi në gol një penallti të diskutueshme.
Në pjesën e parë, Robinho dhe Messi kanë lëshuar nga një rast të qindpërqindtë, me këtë të dytin që e goditi tërthorësen. Rossonerët barazuan sërish në minutën e 54-t përmes Kevin Prince Boateng, pas një veprimi të bukur.
Mirëpo, për t’i shuar shpresat e vendësve u përkujdes Xavi Hernandez në minutën e 63-të, pasi mori një top milimetrik nga Messi. Në vazhdim, mikpritësit tentuan ta barazonin rezultatin, por pa sukses. Barça fitoi tri pikë, të cilat ia siguruan pozitën e parë në Grupin H, kurse Milani mbeti i dyti.
Në Grupet tjera, humbja e Chelseas dhe fitorja e Valencias, hapën gjithçka në Grupin E. Në Grupin F, Arsenali e siguroi të tetën e finales, pas fitores ndaj Borussia Dortmundit. Ndërkaq, në Grupin G, APOEL-i vazhdoi mrekullinë, duke mbetur lider, pas barazimit me Zenitin. Kurse, Porto hyri në lojë, pas fitores ndaj Shakhtarit në Ukrainë.
Liga e Kampionëve
Group E
Rezultatet
Bayer Leverkusen – Chelsea 2-1
Valencia – Genk 7-0
Tabela
1. Leverkusen 9
2. Chelsea 8
3. Valencia 8
4. Genk 2
Group F
Rezultatet
Marseille – Olympiacos 0-1
Arsenal – Borussia Dortmund 2-1
Tabela
1. Arsenal 11
2. Marseille 7
3. Olympiakos 6
4. Dortmund 4
Group G
Rezultatet
Zenit St Petersburg – APOEL 0-0
Shakhtar Donetsk – Porto 0-2
Tabela
1. APOEL 9
2. Zenit 8
3. Porto 7
4. Shakhtar 2
Group H
Rezultatet
BATE Borisov – Viktoria P. 0-1
Milan – Barcelona 2-3
Tabela
1. Barcelona 13
2. Milan 8
3. Viktoria P. 4
4. BATE B. 2