Bardhi: Gjykata s‘mund të jetë e pavarur kur Zhukri vendos pro Berishës, dhe politike, kur s‘i nënshtrohet Berishës
Debatet në PD, për çështjen e legjitimitetit të drejtitmit të partisë më të madhe të opozitës, vijojnë të sjellin reagime mes palëve të përfshira në këtë përplasje. Gazment Bardhi ka reguar ndaj deklaratave të Sali Berishës, i cili ka sulmuar Gjykatën e Tiranës, sa i përket çështjes së PD-së. Zoti Bardhi shkruan se Gjykata nuk mund të jetë e pavarur, kur gjyqtari Agron Zhukri vendos pro tij.
“Sali Berisha duhet t’i japë fund hipokrizisë me demokratët dhe përçarjes së tyre. Standardi i dyfishtë me gjykatat dëmton besimin e demokratëve në ringritjen e PD. Gjykata nuk mund të jetë e pavarur, kur Zhukri i Berishës vendos pro tij dhe është politike, kur gjykata nuk i nënshtrohet akuzave të tij. Vendimi i gjykatës për çështjen e PD, cilido qoftë ai, duhet t’i hapë rrugën bashkimit të vërtetë të demokratëve”, shkruan Bardhi.
/rtsh.al/