Barnat jashte spitalit, me firmen e shefit te pavijonit

Sonila Isaku
Recetat per blerje te medikamenteve jashte spitalit, tashme do te dalin vetem pasi te kene marre firmen dhe miratimin e shefit te pavijonit. Ky i fundit eshte i detyruar te kontrolloje receten nese eshte brenda rregullit dhe nese ne farmacine e spitalit apo pavijonit, realisht mungojne ato ilace, apo pacienti ka nevoje per alternativen tjeter, te sugjeruar nga mjeku qe e ndjek. "Kemi konstatuar se ka nje abuzim per qellime te klientelizmit te vogel. Ministria e Shendetesise ka nxjerre urdhrin, qe ne rast nevojash per blerje barnash jashte spitalit, receta nuk do te mbaje firmen e nje mjeku te vetem", u shpreh ministri Petrit Vasili.
Urdhri
Nese deri dje mjeket leshonin pa kriter receta per blerjen e ilaceve qe nuk i kishte spitali, kjo nuk do te ndodhe me. Ministria e Shendetesise ka vendosur te kontrolloje menyren e mjekimit te pacienteve ne spitale. Me nje urdher te posacem, ministri Petrit Vasili detyron te gjithe mjeket qe t'i permbahen listes se barnave ne pavijone. Ne rastet kur medikamenti nuk ndodhet ne spital, receta per ta blere ate ne tregun farmaceutik detyrimisht duhet te kete miratimin dhe firmen e shefit te sherbimit. "Ne raste te domosdoshme te sugjerimit per blerje te medikamenteve qe nuk jane pjese e listes se barnave te aprovuara per perdorim spitalor, per personat e shtruar ne spital, ndalohet leshimi i recetes per te blere medikamente ne rrjetin e hapur farmaceutik, pa firmen e shefit te sherbimit", ka pohuar ministri i Shendetesise, Petrit Vasili. Sipas tij, receta per blerjen e medikamenteve jashte listes se barnave te aprovuar per perdorim spitalor, do te leshohet vetem per raste qe kane indikacion absolut per mjekimin e pacientit.
Farmacite
Bluzat e bardha, tashme ndalohen detyrimisht qe te orientojne pacientet per te blere ilace ne farmacite e perzgjedhura prej tyre. Edhe gjate leshimit te recetes per nje medikament te caktuar, mjeku duhet te shenoje vetem llojin dhe jo kompanine qe e ka sjelle ate. "Per personelit mjekesor, ndalohet orientimi drejt farmacive te selektuara, per blerje te medikamenteve", nenvizoi Vasili. Sipas tij, pacienti do te jete i lire te perzgjedhe vete se cilat jane medikamentet qe do te konsumoje. I vendosur per t'i prere rrugen abuzimeve dhe klientelizmave te tilla Ministri i Shendetesise, Petrit Vasili u kerkon drejtorive te spitaleve dhe atyre te Sigurimeve Shendetesore te kontrollojne zbatimin e ketij urdhri. Ne rast se do te kapen receta te mjekeve qe kane leshuar ne kundershtim me kete urdher, do te kete masa administrative.

Moszbatimi i urdhrit, mjeket largohen nga puna
Nese nje mjek nuk do te zbatoje urdhrin e sapo nxjerre nga Ministria e Shendetesise, do te merren masa te rrepta ndaj tij. Ky fakt u pohua edhe nga vete kreu i shendetesise i cili kerkoi nje bashkepunim me vartesit e tij. "Per mos zbatim te urdhrit, do te ndermerren masa administrative, deri ne largim nga puna", ka nenvizuar Vasili. Sipas tij, ne masat administrative parashikohen gjobat, paralajmerimet per largime nga puna dhe nese ato perseriten largim nga detyra per kedo qe e shkel urdhrin.
U R D H E RI
1. Ne raste te domosdoshme te sugjerimit per blerje te medikamenteve qe nuk jane pjese e listes se barnave te aprovuara per perdorim spitalor, per personat e shtruar ne spital, ndalohet leshimi i recetes per te blere medikamente ne rrjetin e hapur farmaceutik, pa firmen e shefit te sherbimit.
2. Receta per blerjen e medikamenteve jashte listes se barnave te aprovuar per perdorim spitalor, do te leshohet vetem per raste qe kane indikacion absolut per mjekimin e pacientit.
3. Receta do te leshohet duke pershkruar principin aktiv te medikamentit.
4. Per personelit mjekesor, ndalohet orientimi drejt farmacive te selektuara, per blerje te medikamenteve.
5. Ngarkohen Drejtorite e Spitaleve dhe Drejtorite Rajonale te Sigurimeve te Kujdesit Shendetesor, per kontrollin e zbatimit te ketij urdhri.
6. Per mos zbatim te urdhrit, do te ndermerren masa administrative, deri ne largim nga puna.