"Bartja" e viteve te punes, Greqia e Italia nuk i njohin Sonila Isaku

Ne Itali dhe Greqi ku emigrantet shqiptare punojne per vite te tera, nuk mund te marrin pension, sepse mes Shqiperise dhe ketyre vendeve nuk ka nje marreveshje per njohjen e viteve te punes dhe rrjedhimisht te drejten e marrjes se nje pensioni. Kerkesa e ministrise se punes per marreveshje te kesaj natyre eshte refuzuar, pergjigjja e dhene ne kete rast eshte per arsye te krizes financiare. "Kemi vite qe kemi kerkuar nje marreveshje me Greqine, kemi kerkuar edhe me Italine. Aktualisht jemi ne pritje te pergjigjeve, por dihet qe situata nuk eshte e mire ekonomike. Ndaj ende nuk presim pergjigje te shpejte nga keto dy vende per te filluar negociatat. Megjithate eshte nje orientim i Bashkimit Europian qe te gjitha vendet, te cilat jane kandidate ose jane pjese e BE-se, duhet te fillojne negociatat per marreveshjet e mbrojtjes shoqerore me te gjitha vendet e BE-se. Ne shpresojme qe te fillojme marreveshjet me keto dy vende. Nderkohe, vetem pak kohe me pare eshte nenshkruar marreveshja me Maqedonine. Te gjithe shqiptaret dhe maqedonasit qe punojne ne dy shtetet respektive do t'u njihen pensionet nga te dy vendet. Sipas Ministrise se Punes, te gjithe personat qe kane leje pune dhe sigurohen, llogarite, do t'u behen sipas kushteve te secilit vend. Ata jane te lire te zgjedhin vete se ne cilin shtet mund te marrin pensionin. "Nje person, i cili ka punuar 10 vjet ne Shqiperi dhe 25 vjet ne Maqedoni, ose anasjelltas, pra qe ka plotesuar periudhen e punes se nevojshme per te dale ne pension, do te marre nje pension ose ne Shqiperi, ose ne Maqedoni, sipas deshires se personit, por ky pension do te konsiderohet si periudhe e plote sigurimi. Llogaritja e pensionit behet ne perputhje me kohen e punes ne secilin vend",- tha Filloreta Kodra, zv.ministre e PCSSHB-se. Sipas saj, kjo ben qe te mos kete diskriminim apo ulje te viteve te pensioneve per keta persona, te cilet kane kryer pune ne dy shtete te ndryshme. Numri dy i Ministrise se Punes pohon se nuk ka shifra zyrtare se sa jane perfituesit, ata qe punojne ne keto dy shtete jane te shumte ne numer. Por edhe ne kete rast, shuma e parave per pension do te behet sipas llogarive te secilit shtet per vite pune. Shteti yne me heret ka firmosur nje marreveshje te tille me Hungarine dhe eshte ne proces me Rumanine.