Basha: OSBE, shtoni vezhguesit
Ministri i Puneve te Jashtme, Lulzim Basha i kerkoi OSBE-se dhe ODIHR-it qe te dergoje numrin me te madh te mundshem te vezhguesve, per te monitoruar zgjedhjet parlamentare te vitit 2009. Ai vleresoi gjithashtu kontributin e OSBE-se ne Shqiperi dhe shtoi se, qeveria shqiptare eshte e angazhuar te vazhdoje bashkepunimin e frytshem me Organizaten. Duke u ndalur tek reforma elektorale, Basha njohu ambasadoret e akredituar prane OSBE-se me zhvillimet me te fundit, ne lidhje me ecurine e punes per hartimin e Kodit te Ri elektoral dhe te infrastruktures zgjedhore. Me pas, ne emer te qeverise se Shqiperise, kryediplomati ftoi ODIHR-in qe te dergoje numrin me te madh te mundshem te vezhguesve, per te monitoruar zgjedhjet e ardhshme parlamentare ne Shqiperi. Ai, gjithashtu, vleresoi kontributin e OSBE-se ne mbeshtetje te zhvillimeve demokratike te vendit dhe siguroi se Shqiperia eshte e angazhuar te vazhdoje bashkepunimin e frytshem me Organizaten. Basha informoi Keshillin e Perhershem per ecurine e reformave ne vend dhe rezultatet e deritanishme te Shqiperise ne fushen ekonomike dhe ne luften pa kompromis kunder korrupsionit dhe krimit te organizuar. Ne fund te nderhyrjes se tij, Basha perseriti angazhimin e Shqiperise per Kryesimin e OSBE-se ne vitin 2012, duke nenvizuar kontributin qe mund te jape vendi yne ne kryesimin e kesaj organizate. Ne pergjigje te fjales se ministrit Basha, SHBA dhe BE, ne deklaratat e tyre, pasi siguruan per mbeshtetjen e plote ne procesin e reformave te gjithanshme te ndermarra nga qeveria e Shqiperise, vleresuan me nota pozitive arritjet e vendit ne fusha te ndryshme, konsensusin politik ekzistues per perfundimin me sukses te reformes elektorale, si dhe rolin konstruktiv te Shqiperise ne rajon. Ministri Basha u prit ne takime te vecanta nga kryetari i Keshillit te Perhershem, ambasadori i Finlandes, Antti Turunen dhe sekretari i pergjithshem i Organizates, Marc Perrin de Brichambaut. Zgjedhjet parlamentare ne Shqiperi jane kthyer ne fokus te nderkombetareve. Edhe sot ambasadoret e BE riperseriten apelin nderkombetar: "Kujdes me zgjedhjet e 2009". Nepermjet nje deklarate te perbashket diplomatet e huaj theksuan se "zhvillimi i zgjedhjeve te lira jane me rendesi qendrore, per marredheniet mes BE dhe Shqiperise." A.G