Basha: Politika e dyerve te hapura e suksesshme, zgjeroi zonen e sigurise

Ministri i Jashtem, Lulezim Basha mori dje mbeshtetjen e vendeve evropiane dhe Shteteve te Bashkuara te Amerikes, per rrugen e Shqiperise drejt NATO-s dhe Bashkimit Evropian. Kjo u konfirmua gjate pjesemarrjes se ministrit Basha, ne nje mbledhje te organizuar ne Riga te Letonise, ku pjesemarres ishin ministrat e Puneve te Jashtme te Kartes A-5, te tre vendeve te Balltikut si dhe Zv/Ndihmes Sekretari i Shtetit i SHBA. Ne takimin ku teme kryesore ishte Samiti i ardhshem i NATO-s, ministri Basha mori edhe pergezimet e homologeve te tij, per anetaresimin e pritshem te Shqiperise ne Aleance gjate Samitit te Strasburg-Kehlit ne 3 dhe 4 prill. Ne nje prononcim per mediat gjate ketij takimi, ministri i Jashtem, Lulezim Basha deklaroi se politika e ndjekur nga diplomacia shqiptare po rezulton e suksesshme. "Kemi prova te qarta tashme, se politika e dyerve te hapura eshte e suksesshme. Nje sukses qe ka zgjeruar zonen e sigurise por edhe te demokracise, lirise respektit per te drejtat e njeriut ne te gjithe Ballkanin Juglindor", deklaroi kryediplomati nga Letonia. Nga ana tjeter, ne nje deklarate te perbashket pas takimit, ministrat e Jashtem qe moren pjese ne mbledhje nenvizuan se hyrja e vendeve te Ballkanit ne NATO dhe ne BE, eshte nje domosdoshmeri per qendrueshmerine afatgjate te rajonit dhe te gjithe kontinentit. Diplomatet vleresuan gjithashtu rendesine e bashkepunimit te ngushte ekonomik, politik dhe ne fushen e mbrojtjes mes vendeve te grupimit te Adriatikut, Baltikut dhe Atlantikut. Ministrat e Shqiperise, Bosnje- Hercegovines, Estonise, Kroacise, Maqedonise, Letonise dhe Lituanise si dhe perfaqesues te Malit te Zi dhe te SHBA-ve, moren pjese ne takimin Adriatiko-Baltik te Atlantikut. "Ne presim diten, kur Kosova dhe Serbia do te na bashkohen", tha Basha.

Ministrat e Jashtem, urim Shqiperise per anetaresimin

Ministrat e Jashtem nga vendet Baltike dhe vendet e Adriatikut, te mbledhur ne Rige te Letonise, kane uruar Shqiperine dhe Kroacine, per anetaresimin e tyre ne NATO, ku pikerisht ne takimin e 3 prillit ne Strasburg do te behet dhe zyrtarizimi i pranimit te ketyre vendeve, si anetare me te drejta te plota. Ata nuk kane munguar te shprehen pro rruges qe ka ndjekur Shqiperia ne kete proces.