Basha Rikthim i hapesirave te gjelbra per kryeqytetin

Bashkia e Tiranës ka nisur sot rikonstruksionin e pjesshëm të lulishtes pas Pallatit të Kulturës, duke mbjellë pemë të reja. Në një deklaratë për mediat Kryetari i bashkisë së Tiranës Lulzim Basha tha se sot ka nisur puna për kthimin e kësaj hapësire në një ambjent çlodhës për qytetarët e kryeqytetit .
“Me projekte të tilla do të ndërhyet edhe në zona të tjera të kryeqytetit duke përmirësuar cilësinë e jetës së qytetarëve. Të rikthejmë gjelbërimin dhe hapësirat e gjelbra për qytetarët””-tha kryebashkiaku
Baskia ka hartuar një projekt provizor për rikthimin e gjelbërimit në këtë pjesë të qendrës së kryeqytetit.
Lidhur me shpronësimet e pronarëve të këtyre tokave kryebashkiaku Basha tha se ai do të bëhet sipas ligjit.
Sipas kryebashkiakut Basha rikonstruksioni i kësaj lulishteje do të përfundojë brenda një kohe të shkurtër.