Basha: Të bashkuar për një të ardhme më të mirë!

Kryetari i Partisë Demokratike, Lulzim Basha tha këtë të diel se demokratët janë të bashkuar në qëllimin e tyre për të ndërtuar një të ardhme më të mirë.

“Ditë pas dite shqiptarët po binden se demokratët janë të bashkuar në qëllimin e tyre për të ndërtuar një të ardhme më të mirë. Mënyra si ne shpalosim me qytetari vizionin që kemi për politikën, për luftën kundër korrupsionit, për zhvillimin e vendit, duke reflektuar me sinqeritet mbi të shkuarën tonë, për të davaritur hijet që na kanë ndarë nga pjesa më e shëndetshme e shoqërisë shqiptare. Ky ndryshim që kemi nisur nga vetja është përcaktues për fatet e vendit, sepse si do të jetë Partia Demokratike sot, do të jetë Shqipëria nesër”, shprehet lideri demokrat ndërsa poston një video nga takimi një ditë më parë me demokratët në Durrës.