Basha premton asfalt në fshatra

Ministri i Punëve të Jashtme, Lulzim Basha, u ka bërë të ditur banorëve të Mollasit se, së shpejti, nis shtrimi i rrugës nga Klosi deri në Mollas për të vijuar në Selitë e për t‘u lidhur më pas me rrugën nacionale. Basha bëri të ditur se qeveria do të subvencionojë naftën dhe inputet për sipërfaqen e mbjellë. "Prioritet tjetër madhor për këtë mandat është furnizimi me 24 orë ujë. Pasi zgjidhëm problemin e energjisë, mbetet furnizimi me ujë në të gjitha skajet e vendit", u shpreh Basha, i cili informoi banorët se është hapur tenderi për segmentin nga Klosi deri në qendër të Mollasit dhe kjo rrugë do të asfaltohet sipas parametrave që duhen.