Bashkia Paskuqan, testi politik

Rozeta Rapushi
Banoret e Paskuqanit do te votojne sot per zgjedhjen e kryetarit te komunes. Rreth 26 mije votues do t’u drejtohen ne oret e para te mengjesit kutive te votimit, per te zgjedhur mes dy kandidateve, Fatos Rexha i Partise Demokratike dhe Gjin Markaj i Partise Socialdemokrate, i mbeshtetur nga e tere opozita. Me celjen e votimit sot ne oren 7:00, Komisioni Qendror i Zgjedhjeve u ben thirrje banoreve per ruajtjen e qetesise. Zedhenesi i institucionit, Leonard Olli, duke marre shkas nga incidenti i dy diteve me pare, ku nje person i perfolur si komisioner i PS-se ne kete komune u godit me leve ne koke, kerkoi dje nga partite politike qe te shmangin incidentet. “KQZ u kerkon te gjithe banoreve te Paskuqanit dhe subjekteve politike, te cilet kane interesa te drejtperdrejta ne zgjedhje, te shmangin cdolloj incidenti dhe te ruajne qetesine e tyre, pasi cdo incident mund te lidhet apo te interpretohet indirekt si lidhje me procesin zgjedhor”, theksoi Olli. Por, nga ana tjeter, zedhenesi i komisionit me te larte zgjedhor mohoi faktin qe shtetasi i plagosur, dy dite me pare, Korab Cekici eshte anetar i administrates zgjedhore. “Ne ngritem nje grup pune per te verifikuar te dhenat ne lidhje me incidentin dhe pas verifikimeve te bera rezulton se personi nuk eshte pjese e administrates zgjedhore”, theksoi Olli.
Ne Paskuqan eshte derguar tashme e gjithe baza materiale per zhvillimin e zgjedhjeve diten e sotme dhe pritet qe rezultati te shpallet ne oret e vona te mbremjes. Si rralle ndonjehere, KQZ shprehet se nuk ka pasur asnje problem ne pergatitjen e procesit dhe bashkepunimi me njesine vendore ka qene i mire e pa probleme. Zgjedhjet e pjesshme zhvillohen sot ne kete komune, pas vdekjes se ish-kryetarit demokrat, Jashar Hoxha, muaj me pare nga nje semundje e rende. Hoxha doli fitues nga zgjedhjet e pushtetit lokal te shkurtit 2007. Kandidati demokrat, Jashar Hoxha, mori 53,46% te votave perballe kundershtarit te vetem nga koalicioni i majte, Gjin Prengaj. Selia blu pretendon serish fitore ne kete komune, duke e konsideruar si nje bastion te se djathtes. Nderkohe qe Paskuqani eshte propozuar qe te kthehet ne bashki. Ne nje prej projektvendimeve te qeverise per ndarjen administrativo-territoriale propozohet Miloti, Paskuqani, Bushati e Shengjini te mos jene me komuna, por bashki.
Votimi
Paskuqani zgjedh sot kryetarin e ri te komunes mes dy kandidateve, Fatos Rexha PD dhe Gjin Markaj PSD. Per zgjedhjen e kryetarit te ri do te votojne 26102 zgjedhes ne 18 qendra votimi te ngritura ne kete komune. Rezultati i zgjedhjeve te sotme do te dale ne oret e vona te mbremjes. Zgjedhjet e pjesshme ishin te domosdoshme per shkak se ish-kryetari i komunes, Jashar Hoxha, humbi jeten nga nje semundje e rende.
Incidentet
Komisioni Qendror i Zgjedhjeve u beri dje thirrje partive politike, por dhe banoreve te Paskuqanit, te shmangin incidentet. Sipas komisionit, te gjithe duhet te ruajne qetesine gjate procesit, pasi cdo incident mund te lidhet apo interpretohet indirekt si lidhje me procesin zgjedhor. Dy dite me pare ne kete komune u godit me leve ne koke shtetasi Korab Cekici.
Masat
Komisioni Qendror i Zgjedhjeve ka shperndare te gjitha materialet per zhvillimin e zgjedhjeve te pjesshme sot ne Paskuqan. Zedhenesi Leonard Olli u shpreh se forcat politike, si dhe pushteti vendor kane bashkepunuar. Sipas tij, cdo gje eshte gati qe procesi te zhvillohet normalisht. Nderkohe qe po punohet me trajnimin e anetareve te grupeve te numerimit te votave.