“Mbeshtetje e vyer te nderkombetaret”

Ministri i Kultures se Kosoves, Skender Hyseni, kreu dje, ne Shqiperi, viziten e pare te nje qeveritari kosovar pas shpalljes se pavaresise. Gjate takimit me Kryeministrin Berisha, Hyseni vleresoi ndihmesen “tejet te cmuar ne ceshtjen e Pavaresise se Kosoves”. Ndersa Berisha shprehu vleresimet me te larta per festimet ne Kosove gjate dites se pavaresise, duke i cilesuar ato si festimet me dinjitoze dhe qytetare qe ka njohur bota shqiptare ndonjehere. “Kjo ngjarje madhore historike perbente lirine e vertete te Kosoves dhe se populli i Kosoves dhe klasa politike shqiptare perjetuan lumturine e pavaresise, por edhe keqardhjen per mungesen ne kete organizim festiv te ish-Presidentit Rugova, arkitektit te Pavaresise se Kosoves, si dhe atyre heronjve qe humben jeten dhe bene sakrificen sublime per lirine dhe sovranitetin e Kosoves”, evidentoi Kryeministri.
Ne kete pike, ministri Hyseni siguroi se Kosova do te vazhdoje me mjaft maturi koordinimin nderkombetar ne procesin e njohjes se shtetit te Kosoves. Dy zyrtaret, u ndalen edhe ne koordinimin dhe sinkronizimin e dy perfaqesive diplomatike respektive.