Bashkia e Tiranës përzgjedh pesë projektet fituese të Tiranës

Bashkia e Tiranës përzgjedh pesë projektet fituese e planit të qëndrës së Tiranës. Kështu kryetari i Bashkisë dhe njëkohësisht kryetari i Partisë Socialiste u shpreh se Xhamia dhe Muzeu janë të domosdoshme për qytetarët e komunitetin, e sot përfundon një sfidë e hapur për projektin e bashkëjetesës fetare.
 

Ndërkaq, Rama deklaroi se ky konkurs është i një rëndësie të vecantë pasi ka zgjuar dhe një interes ndërkombëtar. Ndërsa 100 studio i janë përgjigjur kërkesës, janë përzgjedhur pesë nga juria ndërkombëtare. Për këtë, kreu i Bashkisë shtoi se kriteret kanë qënë të mëdha, kjo dhe për shkak të pamundësisë financiare dhe për t’iu përshtatur shtratit të traditës së Tiranës, e sakaq për ti përshtatur artit e kulturës bashkëkohore.
 

“Kemi një kryeqytet të shek të ri, të një komuniteti që vuan mungesën e kësaj hapësire të besimit fetar. Mungesën e kësaj xhamie të re që ne jemi të bindur që falë këtyre arkitekteve të ketë praninë e të gjithë vizitorëve. Do të kemi besim se kjo arkitekturë bashkëkohore, do te bëjë që vizitorët të nisen drejte Tiranës për të parë këto vepra” tha Rama.