Bastiset per here te dyte Xhamia "Mbret", zhduken leket e besimtareve

ELBASAN- Persona te paidentifikuar kane bastisur per here te dyte Xhamine "Mbret" ne Elbasan. Pasi kane thyer dyert dhe xhamat e objektit te kultit, simbolin e besimtareve muslimane te ketij qyteti, autoret kane hyre brenda duke shkaterruar edhe kasaforten. Mendohet se ne arken ku mbaheshin ndihmat financiare te besimtareve, gjendeshin rreth 40 mije leke. Vjedhja mendohet te jete kryer gjate oreve te vona te nates, duke u zbardhur dita e djeshme. Ngjarja eshte konstatuar ne oret e para te mengjesit, nga imami dhe besimtaret. Ne vendngjarje shkoi grupi hetimor, i cili konstatoi se persona ende te paidentifikuar kane hyre nga porta kryesore e Xhamise dhe me pas kane hapur me mjete te forta deren e brendshme te saj, ku kane marre ne kasen qe ndodhej e hapur brenda Xhamise, nje shume te konsiderueshme parash. Ngjarja eshte mbajtur e fshehte per shkak te hetimeve, pasi grupi hetimor ka te regjistruar edhe nje tjeter incident kur eshte bastisur arka e xhamise pak jave me pare. Ekspertet qe mberriten ne xhami, arriten te mblidhnin provat e para dhe marrjen e gjurmeve te gishterinjve. Drejtuesit e Xhamise nuk dhane asnje prononcim zyrtar per ngjarjen, duke ia lene policise se Elbasanit hetimin dhe kapjen e autoreve. Mesohet se jane shoqeruar disa te dyshuar si kontingjent vjedhjesh ne kete qytet, por nuk ka ende nje te ndaluar. Mesohet se edhe per sulmin e pare ne Xhamine me te njohur ne qytet nuk ka asnje te ndaluar, ndersa u moren plote 60 mije leke te reja. Bastisjet e institucioneve, objekteve te kultit apo organizatave joqeveritare ne Elbasan eshte mjaft i theksuar. Policia deklaroi se po punon per identifikimin dhe kapjen e autoreve te dyshuar te ngjarjes dhe se jane marre ne pyetje disa te rinj qe njihen per precedentet e tyre.

Fatos Salliu