Mjeket: Kujdes nga ndryshimet e temperaturave

Mjeket e urgjences se Pediatrise se Qendren Spitalore Universitare "Nene Tereza" vazhdojne te perballen me te njejtin fluks te pacienteve, ashtu sikurse edhe gjate diteve te ftohta te dimrit. Kjo, tashme per shkak te ndryshimit te temperaturave. "Ndryshimi i menjehershem i temperaturave, ulja e ngritja e tyre here pas here ndikon drejtpersedrejti ne shendetin e femijeve. Ajo qe vihet re, eshte rikthimi i temperatures trupore per ta qe zgjat deri ne pese dite, si dhe rikthimi i virozes gripale", eshte shprehur mjeku pediater Gugash Cerga. Sipas tij, ndihma e pare qe i jepet femijeve ne shtepi nga prinderit, eshte shume e rendesishme. Per evitimin e rasteve te gripit, keshilla me e mire eshte se femijet duhen ruajtur nga nderrimi i ambienteve. Nderrimi i temperaturave eshte nje nga faktoret kryesore qe ndikon tek semundjet e femijeve, sidomos atyre nen moshen 3 vjec. Keshillat me te rendesishme jane per prinderit, te cilet kane femije te vegjel nen nje vit, per te cilet duhet te mbahet nje temperature konstante per ambientin ku rrine. Nderkohe qe edhe me veshjet nuk duhet te ndryshohet shume. "Pavaresisht se temperaturat jane rritur prinderit duhet te tregohen te kujdesshem, pasi ato ndryshojne shume here nga mengjesi deri ne darke edhe per kete, duhet te pershtatin veshjet me temperaturen", ka pohuar Cerga. Sipas tij, ajo qe duhet pasur kujdes ne kete periudhe eshte edhe alergjia. Me rritjen e temperaturave dhe shtimin e sasise se pluhurit, shfaqen edhe rastet e alergjive. Per kete mjeket nuk harroje te japin keshillat e tyre dhe menyra me e mire per te parandaluar kete lloj alergjie, eshte mos ekspozimi ne kete periudhe ne ambiente te ndryshme, apo ndryshimi i tyre here pas here. Po keshtu nje kujdes i vecante duhet treguar dhe ndaj ushqimeve qe japin alergji. Vizita tek mjeku specialist, eshte e vetmja keshille qe jepet nga mjeket, kjo per vete faktin se rastet duhet te trajtohen sipas specifikave dhe problemeve qe shfaqin.