Bastos, afër Juventusit

Mesfushori i Olympique Lyonit, Michel Bastos është në prag të transferimit në Juventus, ka njoftuar të dielën, e përditshmja sportive franceze, L’Equipe.

Braziliani thuhet se kërkohet nga klube të mëdha evropiane, por Juventus për një kohë të gjatë është konsideruar favorit për transferimin e tij, pasi futbollisti ka bërë të ditur se dëshiron të luajë për Bianconerët.

“Koha ka ardhur për një ndryshim dhe për gjëra të reja. Interesimi nga Juventusi është nder i madh për mua”, kishte thënë Bastos në maj për Sky Sports.