Bazel III u jep bankave frymemarrje per grumbullimin e kapitalit
Aksionet ne bankat me te fuqishme te Europes jane rritur mengjesin e djeshem pas aprovimit te rregullave te reja ne lidhje me sasine e kapitalit qe bankat duhet te mbajne rezerve. Rregullorja e re e quajtur Bazel III eshte programuar per te parandaluar nje tjeter krize financiare. Nderkaq ndikime pozitive kane ekzistuar edhe ne bankat e Japonise. Rregullat e reja ne lidhje me kapitalin i kane qetesuar bankieret ne bote pasi sipas tyre bankave me te dobeta u jepet me shume kohe ne dispozicion per te mbledhur fonde. Sipas disa analisteve marreveshjet e Bazel III reduktojne ne maksimum probabilitetin e falimentimit per bankat shume te rendesishme por nuk zgjidhin ceshtjen e rrezikut maksimal qe mund te ndermerret nga keto banka qe konsiderohen teper te medha per te falimentuar. Nderkaq nje numer investitoresh i kane mirepritur masat e reja te marreveshjes dhe standardet e reja per kapitalet nen Bazel III. Kjo shkaktoi nje rritje te aksioneve ne bankat me te medha te Europes dhe disa prej atyre amerikane ne mengjesin e se henes. Kjo sepse duket qe rregullat e reja do te jene ne favor te tyre. Kjo sepse sipas kesaj marreveshjeje nuk do tu kerkohet bankave nje mbledhje kapitali brenda nje kohe te shkurter por do tu vihet nje afat me i gjate. Nje pjese e mire e bankave amerikane jane shprehur ne favor te ketyre rregullave te reja. Sipas marreveshjes se re te Bazel III bankave do tu kerkohet specifikisht qe te kene nje kapital total prej 7 te aseteve te tyre me risk ose trefish me shume nga sasia qe kane tani per nje gje te tille. Por per te realizuar nje gje te tille atyre u lihet nje kohe relativisht e gjate dhe kjo i ka lehtesuar mjaft shume banka qe druheshin se mos nje afat me i shkurter do tua merrte frymen. Sipas eksperteve Europa eshte rajoni qe ka nevoje me shume per mbledhje fondesh dhe vecanerisht Gjermania dhe Spanja. Behet fjale per fonde prej miliarda dollaresh. Kjo do te thote qe per te arritur shumen e kerkuar duhet qe te reduktojne shume edhe bonuset dhe pagesat ekstreme qe kane bere deri tani per ekzekutivet.