Benitez kërkon Canën te Liverpuli për të zëvendësuar Ksavi Alonson
"Lorik Cana do të ishte zëvendësuesi ideal i Ksavi Alonsos". Pikërisht ky mendim qarkullon në kokën e trajnerit të njohur të Liverpulit, Rafael Benitez. Mesfushori, një nga futbollistët më të njohur të Kombëtares së Shqipërisë, me performancën e tij ka bërë për vete disa nga skuadrat më të mëdha të Evropës, të cilat kanë bërë histori në futbollin ndërkombëtar, si Arsenali, Real Madridi, Roma, Bajern Mynih e Evertoni.
Interesimi - Por tashmë, sipas prestigjiozes angleze "Daily Mirror", kanë filluar edhe lëvizjet konkrete të Liverpulit për të realizuar marrjen e mesfushorit shqiptar të Marsejës në merkaton e këtij sezoni. Futbollisti i kombëtares shqiptare shikohet si zëvendësuesi i Ksabi Alonsos, ky i fundit mund të largohet gjatë verës në drejtim të Realit të Madridit apo Juventusit. Ishin faqet e gazetave më të shitura britanike ato që dhanë lajmin e bujshëm. Sipas "Mirror", trajneri aktual i 5-herë kampionëve të Evropës, Rafael Benitez, e ka vendosur Lorik Canën në majën e listës së objektivave të tij. Benitez është një tifoz i madh i futbollistit shqiptar, stili i lojës i të cilit është i njëjtë me atë të spanjollit Alonso.
"Hetimet" - "Spiunët" e dërguar nga Rafa kanë përpiluar një "dosje voluminoze", brenda të cilave ka mijëra detaje për mesfushorin luftarak e të zgjuar shqiptar. Trajneri Benitez ka kërkuar ndihmën e Bolo Zendenit, një ish-lojtari të Liverpulit, tashmë në radhët e Olimpikut të Marsejës, për të mbledhur informacione prej tij në lidhje me karakterin dhe personalitetin e Lorikut. Në fakt, Cana nuk është i panjohur për Rafa Benitezin, pasi Olimpiku i Marsejës është ndeshur katër herë me Liverpulin në fazën e grupeve të dy edicioneve të fundit të Champions League. Madje, për më tepër, shqiptari ishte dhe autori i një goli të bukur kundër Liverpulit në edicionin e 2008-2009, ndërkohë që në edicionin 2007 eklipsoi kapitenin e "Reds"-ave, Xherrard.
Kostoja - Liverpuli mendon të shpenzojë rreth 11.1 milionë euro (10 milionë paund) për të blerë kartonin e Lorik Canës. Që prej kalimit të tij nga PSG te Marseja, është rritur shumë si futbollist, duke u shndërruar në një nga mesfushorët më të mirë në Francë. Marseja është në prag të një suksesi sensacional në fitimin e titullit kampion dhe Cana ka qenë, sipas "Mirror" një nga faktorët kyç, pasi rezulton si një nga lojtarët decizivë. Sipas faqeve franceze, Cana vlerësohet si një titullar i padiskutueshëm me përfaqësuesen e Shqipërisë (36 ndeshje, 1 gol), por ajo që bie në sy tek ai është ana fizike dhe polivalenca e tij, për t‘u luajtur në disa pozicione në mesfushën shkatërruese dhe në mbrojtje. Përveç aftësive në fazën mbrojtëse, Cana konsiderohet si spektakolar edhe në fazën sulmuese: këtë e tregojnë edhe golat që ka shënuar.
Konkurrenca - 25-vjeçari, fillimin e karrierës së tij e ka pasur në Zvicër te FC Lausanne Sportive, ku edhe në moshën 16-vjeçare u zbulua nga Arsen Venger, i cili dëshironte ta merrte tek Arsenali, por pengesë u bë mosnxjerrja e vizës. Ky ishte sinjali i parë për një kalim të mundshëm të tij në Premier League. Benitez duket se kandidaturë prioritare ka Gareth Berry të Aston Vilës, por nëse shet për shifrën e 30 milionë eurove Ksavi Alonson, ai mund të blejë të dy mesfushorët.
Cilësitë e Canës
Mban rolin e mesfushorit shkatërrues, por mund të luajë shumë mirë edhe në qendër të mbrojtjes, nëse mbrojtësit janë të dëmtuar. Përveç aftësive në fazën mbrojtëse, Cana konsiderohet spektakolar edhe në fazën sulmuese"
Interesimi - Por tashmë, sipas prestigjiozes angleze "Daily Mirror", kanë filluar edhe lëvizjet konkrete të Liverpulit për të realizuar marrjen e mesfushorit shqiptar të Marsejës në merkaton e këtij sezoni. Futbollisti i kombëtares shqiptare shikohet si zëvendësuesi i Ksabi Alonsos, ky i fundit mund të largohet gjatë verës në drejtim të Realit të Madridit apo Juventusit. Ishin faqet e gazetave më të shitura britanike ato që dhanë lajmin e bujshëm. Sipas "Mirror", trajneri aktual i 5-herë kampionëve të Evropës, Rafael Benitez, e ka vendosur Lorik Canën në majën e listës së objektivave të tij. Benitez është një tifoz i madh i futbollistit shqiptar, stili i lojës i të cilit është i njëjtë me atë të spanjollit Alonso.
"Hetimet" - "Spiunët" e dërguar nga Rafa kanë përpiluar një "dosje voluminoze", brenda të cilave ka mijëra detaje për mesfushorin luftarak e të zgjuar shqiptar. Trajneri Benitez ka kërkuar ndihmën e Bolo Zendenit, një ish-lojtari të Liverpulit, tashmë në radhët e Olimpikut të Marsejës, për të mbledhur informacione prej tij në lidhje me karakterin dhe personalitetin e Lorikut. Në fakt, Cana nuk është i panjohur për Rafa Benitezin, pasi Olimpiku i Marsejës është ndeshur katër herë me Liverpulin në fazën e grupeve të dy edicioneve të fundit të Champions League. Madje, për më tepër, shqiptari ishte dhe autori i një goli të bukur kundër Liverpulit në edicionin e 2008-2009, ndërkohë që në edicionin 2007 eklipsoi kapitenin e "Reds"-ave, Xherrard.
Kostoja - Liverpuli mendon të shpenzojë rreth 11.1 milionë euro (10 milionë paund) për të blerë kartonin e Lorik Canës. Që prej kalimit të tij nga PSG te Marseja, është rritur shumë si futbollist, duke u shndërruar në një nga mesfushorët më të mirë në Francë. Marseja është në prag të një suksesi sensacional në fitimin e titullit kampion dhe Cana ka qenë, sipas "Mirror" një nga faktorët kyç, pasi rezulton si një nga lojtarët decizivë. Sipas faqeve franceze, Cana vlerësohet si një titullar i padiskutueshëm me përfaqësuesen e Shqipërisë (36 ndeshje, 1 gol), por ajo që bie në sy tek ai është ana fizike dhe polivalenca e tij, për t‘u luajtur në disa pozicione në mesfushën shkatërruese dhe në mbrojtje. Përveç aftësive në fazën mbrojtëse, Cana konsiderohet si spektakolar edhe në fazën sulmuese: këtë e tregojnë edhe golat që ka shënuar.
Konkurrenca - 25-vjeçari, fillimin e karrierës së tij e ka pasur në Zvicër te FC Lausanne Sportive, ku edhe në moshën 16-vjeçare u zbulua nga Arsen Venger, i cili dëshironte ta merrte tek Arsenali, por pengesë u bë mosnxjerrja e vizës. Ky ishte sinjali i parë për një kalim të mundshëm të tij në Premier League. Benitez duket se kandidaturë prioritare ka Gareth Berry të Aston Vilës, por nëse shet për shifrën e 30 milionë eurove Ksavi Alonson, ai mund të blejë të dy mesfushorët.
Cilësitë e Canës
Mban rolin e mesfushorit shkatërrues, por mund të luajë shumë mirë edhe në qendër të mbrojtjes, nëse mbrojtësit janë të dëmtuar. Përveç aftësive në fazën mbrojtëse, Cana konsiderohet spektakolar edhe në fazën sulmuese"