Beqaj: Qeveria la 48 mije invalide pa paguar, dhe kujdestaret jane pa leke

Deputeti i Partise Socialiste, Ilir Beqja, u shpreh dje se vendi eshte mberthyer nga nje situate e veshtire ekonomike, per rrjedhoje vlereson ai, 48 mije invalide jane te pa paguar. Permes nje komunikimi per mediat, nensekretari per Programin ne seline roze tha se si te mos mjaftonin veshtiresite qe qeveria i ka krijuar sipermarresve, e per rrjedhoje te punesuarve ne keto sipermarrje, prej muajsh qeveria nuk po paguan shtesat per invalidet e punes. "Jane 48 mije invalide pune, te cileve nuk iu jane paguar shtesat e invaliditetit. Pervec bllokimit te pageses se shtesave, qeveria ne menyre te paligjshme nuk realizon detyrimin e indeksimit te shtesave, duke ia lene te gjithe barren e krizes, ne te cilen ndodhet vendi, invalidit qe ta perballojne vete", deklaroi Beqja. Sipas tij, po ne menyre te paligjshme qeveria nuk ka zbatuar per disa vite rresht, detyrimin qe pagesa e aftesise se kufizuar te jete jo me e vogel se pensioni minimal ne qytet. Ai tha se jane 57 mije persona me aftesi te kufizuar, qe marrin vetem 9 mije leke ne muaj. Zyrtari lart socialist beri te ditur se jane 13 mije kujdestare te personave me aftesi te kufizuar, qe marrin po ashtu vetem 9 mije leke ne muaj. "Invalidet kane jave qe protestojne ne te gjithe Shqiperine, por qeveria e Sali Berishes eshte e shurdhet. Ashtu sic eshte i shurdhet Sali Berisha, per kerkesen e shumices se shqiptareve per te hapur kutite e votimit", deklaroi deputeti i Partise Socialiste. Prandaj, vijoi ai, socialistet do te vazhdojne te protestojne ne sheshet e Shqiperise, ne mbeshtetje edhe te kerkesave te invalideve. "Vendi eshte mberthyer nga nje situate e veshtire ekonomike. Sipermarrja eshte ne ngerc ndersa punesimi eshte ulur. Punedhenesit jane ne veshtiresi edhe nga mos kryerja e pagesave nga qeveria, nuk po japin rregullisht pagat", vleresoi situaten aktuale politike, Ilir Beqja.