Beqiri: Dell, garant i marrëveshjes PDK-LDK-AKR

Për LDK-në është e papranueshme që zgjedhjet presidenciale të mbahen në vitin 2013, sepse në këtë rast shkelet marrëveshja PDK-LDK-AKR, si dhe Rezoluta e Kuvendit të Kosovës, ka thënë për “Tribuna Shqiptare”, shefi i grupit Parlamentar të LDK-së, Ismet Beqiri.

“Nuk është Qeveria ajo që i cakton zgjedhjet. Ata që bëjnë këto deklarata nuk i bëjnë nder as vendit, as institucioneve. I nxjerrin joserioz vetë ata, duke filluar prej Thaçit”, ka thënë Beqiri.

Ai ka thënë se nuk duhet harruar se prapa marrëveshjes qëndron si garant ambasadori amerikan, Christopher Dell.