Beqja sot seanca per mandatin

Mazhoranca dhe opozita do te luftojne sot dhembe per dhembe ne Kuvend per te mbajtur apo rrezuar numrat per votimin e mandatit te socialistit Ilir Beqja.

Celesi i fitores qe secila force politike do luftoje sot ne Kuvend qendron te menyra e votimit.

Parlamenti do te votoje sot kerkesen e nje grupi deputetesh per dergimin e ceshtjes ne Gjykaten Kushtetuese per te konstatuar papajtueshmerine me detyren te deputetit Ilir Beqja.

Menyra se si do te kryhet votimi eshte nje tjeter perplasje qe do te ndodhe ne seancen e sotme mes forcave politike te majta dhe te djathta.

Socialistet presin votim te fshehte ndersa Kuvendi ka nje direktive te qarte per menyren sesi do te kryhet votimi.

Burime prane Kryetares se Kuvendit bejne me dije se votimi do te behet i hapur pasi sot ne Kuvend do te votohet per raportin qe do ti dorezohet Gjykates Kushtetuese dhe jo per individin.

Deputetet demokrate nga ana tjeter pohojne se votimet jane bere gjithmone te hapura dhe per kete ceshtje nuk ka pse duhen bere perjashtime.

Do te jete mbledhja e grupit te PD-se nje mbledhje formale kjo qe do te zhvillohet perpara seances qe do te vendose per menyren e votimit por gjasat jane qe ai te jete i hapur.

Duket qarte se ne kete pike demokratet jane kompleksuar nga matematika e numrave ne Kuvend dhe stepen per te shmangur ndonje surprize te mundshme gjate procesit te votimit.

Votimi i fshehte i kerkuar nga socialistet nese do te sillte qofte edhe nje rrjedhje vote nga mazhoranca do te shkaktonte prishje te ekuilibrave ne Parlament.

Demokratet dhe republikanet kane vetem 68 vota ne Kuvend nderkohe qe votat e Ilir Metes Nasip Nacos dhe Lefter Kokes jane vendimtare per te cuar numrin e mazhorances ne 71.