Berat tregtaret perleshen me policine bashkiake
Ndarja e dyqaneve te tregut te ri industrial ne qytetin e Beratit eshte shoqeruar me momente tensioni dhe konflikte mes tregtareve dhe punonjesve te policise bashkiake cka ka detyruar policine e shtetit te nderhyje per te vene nen kontroll situaten. Procedura per ndarjen e dyqaneve te tregut te ri industrial ku eshte parashikuar te vendosen rreth 400 tregtare eshte zhvilluar gjate mesdites se djeshme ne zyren e Tatim-Taksave dhe Tregjeve ku per disa ore me radhe tregtaret jane konfliktuar me punonjesit e policise bashkiake qe ndodheshin aty per garantuar mbarevajtjen e mbledhjes. Shkak per konfliktin jane bere pretendimet e tregtareve ne lidhje me ndarjen e dyqaneve qe sipas tyre eshte bere ne menyre te padrejte. Ndarja e dyqaneve do te zhvillohej gjate dites se marte me ane te nje shorti me gogla por kjo ka deshtuar dhe eshte vendosur te kryhet me ane te nje komisioni me specialiste te Tatim-Taksave qe do te respektonte listen e kerkesave te tregtareve. Procesi ka nisur rreth ores 1100 dhe situata eshte tensionuar menjehere pas ndarjes se dyqaneve te para pasi tregtaret kane pretenduar se ndarja eshte bere e padrejte dhe jo e ndershme. Ata kane tentuar te hyjne ne ambientet e zyrave te Tatim-Taksave dhe Tregjeve dhe jane perballur me punonjesit e policise bashkiake te cilet nuk kane mundur qe te mbajne nen kontroll situaten. Per ore te tera tregtaret kane dashur te hyjne forcerisht ne zyra dhe per te qetesuar situaten eshte kerkuar ndihma e komisariatit te policise se Beratit. Grupi i gatshem i ketij komisariati ka qetesuar tregtaret dhe ka mbajtur nen kontroll situaten. Tregtaret thone se ndarja e 300 dyqaneve eshte bere ne menyre jo te ndershme pasi nje pjese e tregtareve duke paguar ryshfete dhe me miqesi kane perfituar dyqanet me te medha nderkohe qe aktiviteti i tyre eshte i vogel. E ndersa ne tregun e ri parashikohet qe te vendosen ne dyqane 300 tregtare pjesa tjeter do te tregtojne ne mjediset e hapura por brenda tregut. Procedura per ndarjen e ambienteve te mbetura pa pronar do te vazhdoje gjate dites se sotme. Ndertimi i tregut te ri ne qytet u realizua fale nje investimi te Bankes Boterore dhe Bashkise se Beratit dhe ka kushtuar rreth 77 milione leke.