Berisha: Eshtrat e Zogut në Shqipëri

Kryeministri Sali Berisha ka njoftuar se qeveria ka vendosur rikthimin e eshtrave të Ahmet Zogut në Shqipëri. "Komisioni Qeveritar Shtetëror merr këtë vendim duke njohur Ahmet Zogun, kryeministër, president dhe më vonë Mbret i shqiptarëve si arkitektin e shtetit modern shqiptar. Qeveria vlerëson Ahmet Zogun si një prej personaliteteve më të shqura të vendit", tha kreu i qeverisë. Berisha tha se Zogu mbështeti Lëzivjen Çlirimtare të Shqiptarëve.
Berisha tha se procesi i kthimit të eshtrave të Zogut do ketë gjithë nderimet që i takojnë mbretit të parë të shqiptarëve.
Po ashtu kreu i qeverisë bëri me dije se po negociohet me qeverinë indiane për kthimin e eshtrave të Nënë Terezës. "Ne kemi filluar negociatat me qeverinë e Indisë që në 100-vjetorin e lindjes së Nënë Terezës të rikthejmë eshtrat e saj në Shqipëri", tha Berisha.