Berisha-FMN: Nuk i rrisim taksat Rozeta Rapushi
Nuk do te kete rritje te taksave ne vend dhe qeveria do te vijoje me politiken e rritjes se pagave dhe te pensioneve. Keshtu u shpreh dje, Kryeministri Sali Berisha, ne mbledhjen e grupit parlamentar demokrat, ku i ktheu publikisht edhe nje pergjigje Fondit Monetar Nderkombetar per kerkesat e fundit per rritjen e taksave. "Une kam mirekuptim per kerkesen e Fondit Monetar Nderkombetar, per disa kerkesa qe misioni ka bere ne viziten e tij te fundit. Por nuk mund te themi qe ne do te rrisim taksat. Ne nuk do te rrisim taksat. Ne do te rrisim performancen gjithnje e me shume", u shpreh qarte kreu i qeverise. Sipas tij, kabineti qe ai drejton, beson se duke konsoliduar disiplinen fiskale dhe duke mos rritur taksat, krijohen me shume vende pune dhe me shume rritje. Berisha sqaroi se Fondi Monetar Nderkombetar pa arsye kerkon rritje taksash, duke theksuar faktin se modeli qe po ndjek qeveria per taksat, funksionon. Sipas tij, vendi yne ka nevoje per biznese, per lulezimin e tyre dhe per sukses te biznesit, ndaj dhe do te qendroje vendi me taksat me te uleta ne Evrope. "Fondit Monetar Nderkombetar, ka shprehur shqetesim per rritjen e rrogave dhe ky shqetesim eshte i kuptueshem. Por ceshtja eshte se rritja e rrogave ka te beje me investimin ne burimet njerezore. Ndaj dhe ne do te vazhdojme politiken tone te rritjes se rrogave. Kjo jo vetem se eshte nje zotim i palekundur elektoral, por sepse une besoj se investimi me i rendesishem dhe me frytdhenes eshte investimi te njeriu", u shpreh kreu i qeverise. Sipas tij, ky eshte investimi kryesor i qeverise dhe mbi te gjitha rritja e pensioneve eshte nje ceshtje dhembshurie njerezore. Nga ana tjeter, kryeministri permendi ne mbledhjen e grupit se qeveria qe ai drejton rriti ndjeshem numrin e ilaceve te rimbursuara, si nje nga qellimet kryesore ka qene per t'i qene afer kesaj shtrese, kesaj grup-moshe. "Dhe beme shume mire. Ata qe bertiten per rritje te cmimeve nga TVSH-ja u nguten dhe gabuan. TVSH-ja qe vendosem mbi ilace ka ndikuar qartesisht ne uljen e tyre. Ju garantoj se do i ulim edhe me tej. Ajo i dha fund nje spekulimi cnjerezor, i cili bazohej ne deklarimin e nje cmimi qe nuk ekzistonte. Kjo vetem e vetem se mbi bazen e ketij deklarimi percaktohej ky cmim i shitjes. Vendosja e TVSH-se nuk kishte asnje lidhje, as interesin me te vogel me arken e shtetit qe edhe ajo duhej perfillur", vijoi Berisha. Kryeministri shtoi se akoma ka spekulime ne lidhje me reformat qe po ben qeveria, por sipas tij, keto spekulime do t'i kene kembet e shkurtra. "Kemi akoma probleme me spekulim edhe ne nje tjeter sektor, por qeveria do te qendroje ne menyre qe fitimi te jete e te ekzistoje, por kodi moral i fitimit te respektohet", premtoi kryeministri. Ai shtoi se kete vit, pritet edhe nje fluks te madh turistik, me te madhin ndonjehere ne histori.