Berisha: Jemi gati te tejkalojme situaten me kompromis

Zhvillimet me te fundit politike ne vend, kane zene nje pjese te mire te bisedes mes kryeministrit Berisha dhe ambasadores se re te Frances ne Shqiperi, Znj. Christine Moro. Takimi eshte zhvilluar dje ne ambientet e kryeministrise, ku kreu i qeverise ne nje takim te vecante, i ka bere nje ekspoze ambasadores se re franceze, per arritjet dhe reformat qe ka ndermarre qeveria shqiptare ne te gjitha fushat e qe synojne modernizimin dhe permiresimin e kushteve sociale dhe ekonomike te vendit. Kryeministri e siguroi ambasadoren se integrimi evropian mbetet projekti me i rendesishem i qeverise shqiptare, si dhe per angazhimin e saj ne cuarjen perpara te reformave ne kete drejtim. Kreu i qeverise eshte ndalur mbi situaten bllokuese te krijuar ne dy vjetet e fundit nga opozita dhe ka shprehur angazhimin e qeverise per vazhdimin e reformave pavaresisht kesaj situate, si dhe gatishmerine e saj per te tejkaluar kete situate me kompromis dhe vullnet te mire politik, qe synon integrimin e vendit ne Bashkimin Evropian, si interesi me i mire i qytetareve. Nga ana e saj, ambasadorja Christine Moro pasi e falenderoi kryeministrin per pritjen, i transmetoi atij pershendetjet me te perzemerta nga Presidenti Sarkozy, si dhe vleresimin e qeverise franceze per rolin qe Shqiperia luan ne kuader te paqes dhe stabilitetit ne rajon e me gjere. Gjithashtu, ambasadorja franceze shprehu gatishmerine per mbeshtetjen ne nje numer fushash te bashkepunimit bilateral dhe ne kuader te integrimit evropian nepermjet dhenies se asistences dhe ekspertizes, si ne fushen e bashkepunimit parlamentar, formimin dhe konsolidimin e administrates publike, ne fushen e mbrojtjes, rendit publik, frankofonise, etj. Nga ana e tij, kryeministri e mirepriti dhe falenderoi ambasadoren Christine Moro per kete mbeshtetje, duke e konsideruar kete te nje rendesie te vecante. Gjithashtu, Berisha vleresoi mbeshtetjen dhe ndihmen e madhe qe Franca dhe qeveria franceze i kane dhene dhe i japin Shqiperise dhe popullit shqiptar. Duke vleresuar lart nivelin e marredhenieve dypaleshe, kryeministri vleresoi nevojen per thellimin e metejshem te marredhenieve ekonomike. Kryeministri tha se prania e nje sere kompanish prestigjioze franceze ne Shqiperi eshte shenje inkurajuese per investime te metejshme franceze.