Berisha: Nuk i hap kutitë, zgjedhjet nuk i pranon vetëm Rama
Kryeministri Sali Berisha përsëriti dje qëndrimin e prerë, kundër hapjes së kutive të votimit dhe rinumërimit të votave. Në një takim me përfaqësues të Parlamentit Rinor Europian dhe të Forumit Rinor të Partisë Demokratike, Kryeministri Berisha u ndal te situata aktuale politike në vend dhe komentoi kërkesën e opozitës për hapjen e kutive të votimit.
Duke theksuar se zgjedhjet e 28 qershorit ishin procesi më transparent që është zhvilluar ndonjëherë në Shqipëri, Kryeministri u shpreh "kjo u faktua njëzëri nga monitoruesit ndërkombëtarë që shkruan në raportet e tyre se nuk kishte asnjë provë për manipulim të rezultatit, apo numërim të parregullt".
"Zgjedhjet plotësuan standardet kryesore të OSBE-së, por kreu i PS-së nuk e pranon rezultatin. Ai po kërkon të hapë kutitë për rinumërim, në një kohë kur ka një vendim gjykate që ka vendosur se nuk mund të ketë rinumërim, pa kontestim. Këtë e thotë ligji që ka shkruar vetë", tha Kryeministri. Nga ana tjetër, duke u ndalur tek integrimi europian, kreu i qeverisë u shpreh se 96 për qind e popullit shqiptar përkrah integrimin, duke theksuar se "kjo përbën një forcë të jashtëzakonshme për qeverinë për të proceduar në rrugën e integrimit europian".
Këshillat
Në fjalimin që ka mbajtur përpara të rinjve të partive popullore europiane, Kryeministri shqiptar, i cili është në fakt një nga politikanët më veteranë në kontinent, u ka dhënë disa këshilla në lidhje me politikat që duhet të ndjekin europianet. Berisha e ka bërë të ditur se është një reganian i thekur, ndaj u ka bërë thirrje më të rinjve të studiojnë idetë konservatore të përfaqësuar nga ish-presidenti i SHBA. "Unë jam njeriu i taksave të ulëta. Idhulli im ka qenë Ronald Regan. Ai ishte një aktor, kurse unë mjek. Unë e admiroja dhe ju sugjeroj të lexoni librat dhe fjalimet e tij për ekonominë. Adoptova shumë prej tij. Në kohën kur u bëra President i Shqipërisë, industria e këtij vendi ishte e shkatërruar, sepse ishte e teknologjisë shumë të vjetër kineze dhe sovjetike. I shitëm të gjitha ndërmarrjet e mëdha sepse të përpiqesh të rikuperosh një industri të sëmurë është humbje kohe". Kryeministri e ka hedhur paksa tej modestinë, duke u thënë politikanëve të rinj të së djathtës se "ekonomia shqiptare është e vetmja në Europë, që pati një rritje të eksporteve këtë muaj, në krahasim me vitin e kaluar. Kjo është e vetmja ekonomi që shënoi një rritje në kreditim prej 16%, në krahasim me vitin e kaluar. Ne patëm një ulje të të ardhurave, por kryesisht për shkak të çmimeve në botë të vajit, grurit dhe disa produkteve të tjera. Ne ecëm mirë, jo sepse ishim një ekonomi e centralizuar, jo, ne jemi ekonomia më private, ne ecëm mire, jo sepse jemi të izoluar, jo, ne jemi një ekonomi e madhe importuese - unë mendoj se ne ecëm mirë për dy arsye: ne jemi shumë seriozë në politikat tona, taksa të ulëta dhe investime të mëdha, ne jemi investues të mëdhenj dhe kemi barrën fiskale më të ulët".
Duke theksuar se zgjedhjet e 28 qershorit ishin procesi më transparent që është zhvilluar ndonjëherë në Shqipëri, Kryeministri u shpreh "kjo u faktua njëzëri nga monitoruesit ndërkombëtarë që shkruan në raportet e tyre se nuk kishte asnjë provë për manipulim të rezultatit, apo numërim të parregullt".
"Zgjedhjet plotësuan standardet kryesore të OSBE-së, por kreu i PS-së nuk e pranon rezultatin. Ai po kërkon të hapë kutitë për rinumërim, në një kohë kur ka një vendim gjykate që ka vendosur se nuk mund të ketë rinumërim, pa kontestim. Këtë e thotë ligji që ka shkruar vetë", tha Kryeministri. Nga ana tjetër, duke u ndalur tek integrimi europian, kreu i qeverisë u shpreh se 96 për qind e popullit shqiptar përkrah integrimin, duke theksuar se "kjo përbën një forcë të jashtëzakonshme për qeverinë për të proceduar në rrugën e integrimit europian".
Këshillat
Në fjalimin që ka mbajtur përpara të rinjve të partive popullore europiane, Kryeministri shqiptar, i cili është në fakt një nga politikanët më veteranë në kontinent, u ka dhënë disa këshilla në lidhje me politikat që duhet të ndjekin europianet. Berisha e ka bërë të ditur se është një reganian i thekur, ndaj u ka bërë thirrje më të rinjve të studiojnë idetë konservatore të përfaqësuar nga ish-presidenti i SHBA. "Unë jam njeriu i taksave të ulëta. Idhulli im ka qenë Ronald Regan. Ai ishte një aktor, kurse unë mjek. Unë e admiroja dhe ju sugjeroj të lexoni librat dhe fjalimet e tij për ekonominë. Adoptova shumë prej tij. Në kohën kur u bëra President i Shqipërisë, industria e këtij vendi ishte e shkatërruar, sepse ishte e teknologjisë shumë të vjetër kineze dhe sovjetike. I shitëm të gjitha ndërmarrjet e mëdha sepse të përpiqesh të rikuperosh një industri të sëmurë është humbje kohe". Kryeministri e ka hedhur paksa tej modestinë, duke u thënë politikanëve të rinj të së djathtës se "ekonomia shqiptare është e vetmja në Europë, që pati një rritje të eksporteve këtë muaj, në krahasim me vitin e kaluar. Kjo është e vetmja ekonomi që shënoi një rritje në kreditim prej 16%, në krahasim me vitin e kaluar. Ne patëm një ulje të të ardhurave, por kryesisht për shkak të çmimeve në botë të vajit, grurit dhe disa produkteve të tjera. Ne ecëm mirë, jo sepse ishim një ekonomi e centralizuar, jo, ne jemi ekonomia më private, ne ecëm mire, jo sepse jemi të izoluar, jo, ne jemi një ekonomi e madhe importuese - unë mendoj se ne ecëm mirë për dy arsye: ne jemi shumë seriozë në politikat tona, taksa të ulëta dhe investime të mëdha, ne jemi investues të mëdhenj dhe kemi barrën fiskale më të ulët".