Berisha: PD-PKK, promotore te zhvillimit te dy vendeve
Qamil Xhani
Partia Demokratike ne Shqiperi dhe Partia Komuniste kineze jane dy forcat politike qe ne vendet respektive kane bere ndryshimet dhe reformat me te medha. Ky eshte vleresimi qe ka dhene dje kryeministri Sali Berisha gjate takimi me delegacionin e Partise Komuniste Kineze, i kryesuar nga Liu Yunshan, minister i Marredhenieve me Publikun prane Komitetit Qendror te Partise Komuniste Kineze, njekohesisht anetar i Byrose Politike dhe sekretar i Komitetit Qendror te PKK-se. Kreu i qeverise shqiptare tha se keto dy forca kane qene promotoret e transformimeve ne vendet e tyre. Duke vleresuar se vizita e delegacionit kinez, i sherben rritjes se nivelit te marredhenieve mes dy vendeve, ne perputhje me deklaraten e firmosur mes dy kryeministreve, gjate vizites se zhvilloi kohe me pare kryeministri Sali Berisha. Duke u ndalur ne fusha konkrete te bashkepunimit kreu i qeverise shqiptare ka theksuar bashkepunimin ekonomik. Kryeministri Berisha u shpreh gjate takimit se qeveria shqiptare eshte e interesuar per rritjen e investimeve kineze ne Shqiperi dhe konfirmoi vullnetin per krijimin e lehtesirave per kompanite kineze qe deshirojne te investojne ne vendin tone. Kreu i qeverise shqiptare ka theksuar se Shqiperia ofron mundesi te medha per investimet e huaja dhe u ndal ne menyre te vecante ne fushen energjike, platformat e energjise me ere, fushen e turizmit, parqet industriale, si dhe shume dege te tjera te ekonomise. Ne kete pike perfaqesuesi i delegacionit kinez siguroi kryeministrin se qeveria kineze do te nxise sipermarrjet kineze te investojne ne Shqiperi. Perfaqesuesi i delegacionit kinez ka evidentuar faktin se Shqiperia eshte nder vetmet e pakta qe ka perballuar me sukses krizen ekonomike boterore. “Ne, si nje popull mik i popullit shqiptar, jemi te kenaqur qe Shqiperia ka realizuar nje zhvillim te shpejte ekonomik e kulturor, rritje te nivelit te jeteses dhe eshte nje vend me vitalitet te rralle ndertimi dhe zhvillimi. Shqiperia, ka korrur suksese ne perballimin e krizes financiare boterore dhe kjo ne saje te perpjekjeve dhe trajtimit shume te mira nga ana e qeverise tuaj”, u shpreh Liu Yunshan. Ai ka vleresuar se jane rritur me 600 per qind eksportet shqiptare ne Kine. Nderkohe per sa i perket turizmit, Liu Yunshan u shpreh se “ka interes nga pala kineze per te investuar ne kete fushe, pasi cdo vit 20 milione turiste kineze vizitojne vendet e Evropes”. Duke vleresuar perspektiven evropiane te Shqiperise, Liu Yunshan,vleresoi se shume shpejt Kina do te kete miq ne Bashkimin Evropian. Ne takimin u skutua dhe ceshtja e Kosoves, pike ne te cilen kryeministri Berisha foli vleresoi se vendimi i Gjykates Nderkombetare te Drejtesise qartesoi se shpallja e pavaresise se Kosoves ishte ne perputhje te plote me Te Drejten Nderkombetare dhe Rezoluten 12 44 te Keshillit te Sigurimit te OKB-se dhe se rasti i Kosoves eshte nje rast sui generis. “Njohja e Kosoves, i sherben paqes dhe stabilitetit ne rajon”, tha Berisha.