Berisha: PD dhe LSI ngjajnë, sepse synojnë të punësojnë njerëz e të integrojnë vendinNga TemaArgumenti kryesor që solli kryeministri, Sali Berisha, për lidhjen e re qeverisëse me Lëvizjen Socialiste për Integrim ishte se të dy partitë paskëshin progr

Nëse dëshironi të lexoni edicionin online të gazetës në PDF klikoni këtu.

Argumenti kryesor që solli kryeministri, Sali Berisha, për lidhjen e re qeverisëse me Lëvizjen Socialiste për Integrim ishte se të dy partitë paskëshin program të përafërt. Shumëkush mbeti i habitur, kur mësoi se PD dhe LSI qenkan pak a shumë të ngjashme, pasi kërkojnë të punësojnë sa më shumë njerëz e të integrojnë vendin në strukturat euroatlantike. Se cila është ajo forcë politike në botë që nuk kërkon të punësojë sa më shumë njerëz, këtë e di kryeministri ynë. Gjithashtu, se cila është ajo forcë politike shqiptare që do ta lërë Shqipërinë jashtë BE, këtë sërish duhet ta dijë vetëm kryeministri ynë. “LSI në programin e saj ka si yll polar integrimin e Shqipërisë në BE. LSI në programin e saj ka punësimin si kryefjalë të reformave dhe përpjekjeve të saj. LSI e ftoj gjithashtu me bindjen time se kjo nuk ka të bëjë me shifrat në parlament, por ka të bëjë me faktin se ajo është një përfaqësuese dinjitoze e spektrit të majtë”, - tha Berisha.