Berisha: Pergezoj Ramen, do te festojme bashke ne Vlore

Kryeministri Berisha ka pergezuar dje kryetarin e opozites Edi Rama i cili do te jete i pranishem me 28 nentor ne Vlore per te nderuar se bashku Ismail Qemalin dhe te gjithe ata burra qe firmosen deklaraten e pavaresise, qytetaret e Vlores dhe te gjithe qytetaret shqiptare. "Me erdhi shume mire qe zoti Rama do te jete me ne, ne daten 28 nentor, ne Vlore dhe ky ishte nje zhvillim shume pozitiv. Pretendimet e mediave te kontrolluara se nuk do te festohet 28 nentori ne Vlore ishin nje absurditet absolut", eshte shprehur kryeministri Berisha. Me tej ai ka theksuar faktin se, 100 vjetori i pavaresise do te festohet ne menyre madheshtore duke nisur festimet ne Vlore dhe me pas do te vazhdojne ne Tirane. "Natyrisht, ne qofte se per nje provincializem te shkuar hoxhist, mendohet te perjashtohet Tirana, por ajo nuk eshte as e imja as e zotit Rama, eshte e te gjithe shqiptareve ne Shqiperi, e te gjithe shqiptareve kudo qe jetojne ne Ballkan e ne bote. Ndaj Tirana nuk mundte perjashtohet. Ajo ka detyrimet e veta madhore si kryeqytet dhe do t'i permbushe ato me dinjitetin me te madh", tha Berisha. Duke komentuar deklaratat e bera deri me tani ne media se nuk duhet te festohet ne Tirane por ne Vlore, Berisha u shpreh se, "ne rast se ndokujt i festohet me mire duke perjashtuar kryeqytetin e vendit nga festimi i 100 vjetorit te pavaresise, une i them se ka mbetur ne vitet, kur ne kete vend ka pasur ndofta qytetare qe per shkak te izolimeve te thella nuk dinin ku binte Tirana. Tani eshte kohe tjeter". Kryeministri ka nenvizuar faktin se, ky eshte nje muaj shume i vecante, ne te cilin ne duhet te ndjehemi krenare e te privilegjuar qe festojme 100 vjetorin e pavaresise se vendit, qe qendron mbi sakrificat mbinjerezore te qindra mijerave shqiptareve, ne keto 100 vite. "Ndaj ky muaj frymezon bashkim. Ky muaj fton per mirekuptim. Ky muaj me shume se cdo gje tjeter eshte nje apel te bashkohemi rreth interesit te vendit e kombit tone, qe eshte njeheresh, interesi me i pare i cdo qytetari", tha Berisha. Ceshtja e festimit te 28 nentorit dites se pavaresise, eshte kthyer ne nje objekt debati mes klases politike. Opozita pretendon se ceremonite festive per kete dite duhet te realizohen vetem ne Vlore, aty ku u ngrit flamuri, por mazhoranca qeverisese nuk ka qene dakord me kete fakt, duke bere te ditur se festimet do te nisin ne Vlore dhe me pas do te vijojne ne kryeqytetin e Shqiperise, ne Tirane.