"Rama, me ne fund kuptoi rendesine e dekorit te Tiranes"

Pas deklarates se bere nga kryetari i PS-se Rama per mungesen e dekorit te Tiranes per 100 vjetorin e pavaresise, ka ardhur edhe reagimi i Bashkise se Tiranes. Ne deklaraten per mediat thuhet se kreu i PS-se nuk e dekoroi asnjehere Tiranen per Festen e Flamurit. "Bashkia e Tiranes pershendet pasionin e papritur te zotit Rama per dekorin e Bashkise. Edhe pse gjate 11 vjeteve nuk e dekoroi asnjehere Tiranen per Festen e Flamurit, me mire vone sesa kurre", thuhet ne reagimin e Bashkise. Nga ana tjeter, Bashkia e Tiranes thekson se duhej qe Rama te largohej nga drejtimi i pushtetit vendor per te kuptuar rendesine e ceremonise se 28 Nentorit. "Mesa duket ish-kryetari duhet te pushonte nje vit qe te kuptonte rendesine e dekorimit te kryeqytetit per 28 Nentor", thuhet ne njoftimin e Bashkise. Reagimi i Bashkise se Tiranes u be dje, pas komenteve qe kreu i Partise Socialiste beri per dekorimet ne kryeqytet. Rama i eshte referuar disa banderolave qe jane vendosur ne Pallatin e Kultures. Nderkohe qe sipas njoftimit te Bashkise, dekorimi i ketij objekti kryesor ne Tirane nuk ka nisur ende. "Se fundmi, per ta qetesuar ish-kryetarin e informojme se dekorimi i Pallatit te Kultures nga Bashkia e Tiranes do te nise me date 15 Nentor", thuhet ne reagim. Ceremonia e festimeve te 100 vjetorit te pavaresise eshte kthyer ditet e fundit ne nje prej temave kryesore te debatit te opozites. Kreu i PS-se ka kritikuar programin e qeverise pak dite me pare, nderkohe qe se fundmi ka shigjetuar dhe punen e bere nga drejtuesit e bashkise per kete ceremoni. Nderkohe qe disa vite me pare, gjate kohes qe drejtohej nga kreu i PS-se, Edi Rama, ka qene pikerisht Bashkia e Tiranes ajo qe ka qene ne qender te kritikave, jo te forcave politike, por te vete qytetareve per mungesen e dekorimeve per festat zyrtare. Festat qe merrnin vemendjen kryesore te drejtuesve te atehershem te bashkise ishte Nata e Bardhe.

Dekorimet per pavaresine, Rama:Si reklame per shkume rroje

Ceshtja e dekorimeve dhe ceremonise se festimeve te 100 vjetorit te pavaresise eshte komentuar serish dje dhe nga kreu i PS-se, Edi Rama. Ne adresen e tij ne rrjetin social Teitter, Rama eshte ndalur ne dekorimin qe i eshte bere Pallatit Kultures, duke e krahasuar ate me nje reklame. "Pallati i Kultures dekorohet per 100 vjetorin si te qe qender tregtare, qe reklamon shkume rroje me cmim te leverdishem", shprehet kreu i selise roze, Edi Rama.