Berisha: Sistemi shendetesor, si privat dhe shteteror do te kontrollohet

Kryeministri Sali Berisha, ka kerkuar standarde ne sistemin shendetesor. Kete deklarate kreu i qeverise e beri perpara infermiereve, te mbledhur nga te gjitha rrethet e vendit, ne Konferencen Kombetare te Infermierit. Berisha tha se kontrollit per te vendosur standarde, do t'i nenshtrohet si sektori publik dhe ai privat shendetesor. Nderkohe qe mandatin tjeter, ka thene ai, shendetesia do te jete prioritet. "Keto standarde duhet te jene unike, si per sektorin publik dhe per sektorin privat. Ne asnje rrethane nuk duhet te pranojme te shohim njerin si te nenes, tjetrin si te njerkes. Jo, ne rast se shqiptaret do t'i japin kesaj mazhorance mandatin e dyte, do te jete perparesi e te gjitha perparesive", tha kryeministri Sali Berisha. Nderkohe ministrja e Shendetesise, Anila Godo, tha se arsimi profesional baze mbetet nje mangesi, nderkohe qe duhet me shume motivim per bluzat e bardha, pasi vihet re fenomeni i braktisjes se vendit te punes. "Formimi profesional baze vazhdon te jete i pa standardizuar. Ne kete kategori kemi heterogjenitet per nga niveli dhe pervoja. Akoma vazhdon fenomeni i braktisjes se vendit te punes, duket qe motivimi nuk eshte ne nivelin e pretenduar", u shpreh ministrja. Nga ana tjeter, presidenti i "Urdhrit te Infermierit", Sabri Skenderi ka pranuar mangesite por sipas tij, faji i mbetet sistemit arsimor. "Problematiken e trasheguar nga formimi baze i ndryshem ne vite, mendojme ta zgjidhim me formim te vazhdueshem profesional. Kerkojme qe Qendra Kombetare e Edukimit, ne vazhdim te mbeshtese me teper kete proces dhe t'i jape shtyse formimit profesional te infermierit", ka pohuar Skenderi.

Pagat

Ne lidhje me fenomenin e braktisjes se profesionit te infermiereve, kryesisht ne zonat e thella te vendit, Berisha theksoi se me rritjen e pagave nga data 1 maj, do te motivohet me shume puna e kesaj kategorie.