Berisha: Skeme e re per rimbursimin e kartave te identitetit
Kryeministri Sali Berisha, premtoi dje nga Korca, se qeveria do te marre te gjitha masat qe qytetareve t'ju kthehen menjehere parate per rimbursimin e pajisjes se tyre me karta identiteti. Gjate nje vizite qe zhvilloi ne qendren e aplikimit per leternjoftimet ne komunen e Ceraves, kryeministri Berisha, premtoi se javen qe vjen shpallet skema e pershpejtimit te procesit te rimbursimit te cmimit, qe qytetaret meritojne nga aplikimi. "Une ju siguroj, se qeveria do t'i permbahet pike per pike zotimit te saj per rimbursimin e cmimit per kartat e identitetit. Pra, nuk do t'ju mbetemi borxh, por qeveria ne nje kohe shume te shkurter do t'ua rimbursoje ate vlere, ashtu sikurse ajo ka premtuar", deklaroi kryeministri Berisha gjate takimeve me punonjesit e qendres. Duke theksuar faktin se qeveria do te merrte masa te herepashershme per ta permbyllur me sukses kete proces te rendesishem, kryeministri Berisha kritikoi edhe qendrimin e opozites ndaj kartave te identitetit. Sipas tij, do te ishte e udhes qe ne vend te deklaratave dekurajuese qe opozita i ben qytetareve per kete proces, te beheshin ne komisionet e posacme, ne menyre qe edhe perfaqesuesit e saj te kontribuonin per keto dokumente me rendesi te vecante per shqiptaret. "Do te ishte mire qe deklaratat e tyre te perditshme, te shnderroheshin ne kontrolle ne kuader te Komisionit Parlamentar, ose do te ishte mire qe te deklaratat e tyre te ishin me pak politike", i beri thirrje kryeministri Berisha perfaqesuesve te opozites nga Korca. Po keshtu, Berisha kerkoi nga perfaqesuesit e opozites, qe tu benin thirrje qytetareve per tu pajisur me keto karta kryesisht ne qytetet e medha te vendit, ku kryebashkiaket i perkasin Partise Socialiste. Nga ana tjeter, kreu i qeverise Berisha i beri thirrje edhe drejtuesve socialist te pushtetit vendor, per te mos e politizuar kete proces. Po keshtu, Berisha kerkoi nga keta drejtues, qe te gjitha shqetesimet qe kishin ne lidhje me procesin, ti benin prane qeverise, ku ne menyre te menjehershme do t'ju jepej nje zgjidhje. "Ata duhet te shprehim mendimet pavaresisht se cilit spekter politik i perkasin, por ata nuk duhet te politizojne gjerat, te cilat mendoj se nuk jane as interes i opozites", u beri thirrje kryeministri Berisha drejtuesve socialist te pushtetit vendor. Nga Korca kryeministri Berisha, nuk nguroi ti bente thirrje edhe nje here te gjithe qytetareve shqiptare per tu pajisur me keto dokumente te reja identitetit, te cilat pervec zgjedhjeve, do te ndihmonin edhe ne levizjen e tyre te lire.