Berisha-Topi, per SHISH me qendrime te ndryshme Rozeta Rapushi

Kreret e shtetit, zbardhin qendrimet e tyre per ndryshimet ne ligjin e Sherbimit Informativ Shteteror (SHISH). Kryeministri Sali Berisha, beri te qarte dje, se ne asnje rast nuk do te terhiqet nga qendrimi se cdo zyrtar i larte ne kete vend, do te kete nje mandat te kufizuar ne kohe. Duke folur keshtu, per ndryshimet me te fundit dhe me te debatueshme te projektligjit per SHISH, Berisha tha qendrimi perfundimtar i qeverise se tij eshte qe cdo zyrtar do te kete nje mandat dhe ketij perkufizimi nuk do ti shpetoje as kreu i SHISH, i cili me ndryshimet e percaktuara, do te kete nje mandat pese vjecar, nga pa kufi sic eshte ne ligjin aktual. “Ne kete vend nuk do te kete zyrtare te larte te emeruar pa mandat. Ky eshte nje qendrim perfundimtar i Kryeministrit te vendit. Vendet anetare te NATO-s ne teresine e tyre i kane te gjithe zyrtare me mandate te ndryshme”, tha kryeministri, duke bere te qarte ketu se edhe ne vendet e NATO-s, zyrtaret e larte kane mandate. Sipas tij, kater vjet e kane mandatin per Kryeministrin, 4 apo 5 vjet e kane mandatin per Presidentin, dikush me mandat me te shkurter, dikush me mandat me te gjate. Por mandatet jane nje norme dhe nje standard i vendeve demokratike. Nga ana tjeter, kreu i qeverise nuk beri asnje koment, mbi qendrimin e deputeteve te tij apo te koalicionit per kete projektligj. Dhe aq me pak, refuzoi te jape komente, nese ky ligj, molle sherri mes forcave politike por edhe brenda koalicionit, do te kaloje per votim diten e hene ne Kuvend, apo jo. “Keto jane ceshtje te Parlamentit, per kryeministrin ishte vetem qendrimi ndaj mandatit”, tha Berisha. Nderkohe qe po per kete ceshtje, Presidenti Bamir Topi, tha dje se do te shprehet nese eshte pro apo jo per projektligjin per ndryshimet ne Sherbimin Informativ Shteteror (SHISH), vetem nese ai votohet ne Kuvend. Kreu i shtetit, tha dje se po e ndjek me vemendje kete proces, dhe nuk do te paragjykoj asnje vendim te Kuvendit. “Presidenti flet ne momentin kur ka nje vendimmarrje te Kuvendit dhe realizohet komunikimi zyrtar midis Institucionit te Kuvendit dhe Institucionit te Presidentit”, beri te qarte Topi, duke lene pezull vendimin e tij deri ne momentin kur projektligji do ti vije ne tryeze per dekretim. Megjithate, Presidenti Topi, theksoi se ne parim ka qene dhe mbetet dhe do te jete “gjithmone luajal i parimeve fondamentale te Aleances se Atlantikut te Veriut, qe eshte aleanca me e madhe e paqes dhe e sigurise. Pra nga ky parim i madh, natyrisht qe dalin edhe perfundime te medha, te rendesishme”, tha kreu i shtetit, duke lene serish evazive pergjigjen e tij, nese eshte pro apo jo ndryshimeve per SHISH. Keshtu, kreu i shtetit qartesoi se qendrimi i tij do te behet i qarte ne momentin kur ligji do ti paraqitet ne tryeze per te marre firmen e tij. Aktualisht, Presidenti do te prese se si do te veproje Kuvendi me kete nisme te qeverise, cfare ndryshimesh do te vendose ky institucion te beje dhe si do te jene qendrimet politike. Me pas, ai do te shprehet me firme per ligjin, nese do ta dekretoje apo jo. Kreu i shtetit ka te drejten ekskluzive qe ti ktheje mbrapsht, kur e vlereson te arsyeshme nismat ligjore Kuvendit, per permiresime te metejshme. Dhe nje gje te tille, nuk eshte se Presidenti Bamir Topi nuk e ka provuar.
Meta: Kufizim te mandatit te kreut te SHISH, normale
Kryetari i Levizjes Socialiste per Integrim, njeheresh numri dy i qeverise shqiptare, Ilir Meta ka shfaqur nje qendrim te perafert me kryeministrin Berisha, duke deklaruar te shtunen se eshte ne favor te kufizimit te mandatit te kryetarit te Sherbimit Informativ Kombetar. “Eshte teper parimore qe cdo zyrtar i larte te kete mandat te percaktuar, dhe per institucionin ne fjale kjo eshte me se normale. Duhet te vendoset nje afat ligjor, ne kuader te nje rregullimi dhe percaktimi ligjor qe garanton qendrueshmerine dhe pavaresine e ketij institucioni. Une e kam theksuar rendesine qe cdo ndryshim te behet ne konsulence me Aleancen”, tha Meta. Por ai ka riperseritur edhe qendrimin se cdo ndryshim ne ligj duhet te behet ne konsultim me strukturat dhe aleatet e NATO-s. “Qendrimi yne eshte parimor dhe une besoj se procesi i konsultimeve me aleancen do te vijoje ne menyre konstruktive”, u shpreh Meta. Sipas tij nuk ka asnje lloj bashkimi te votave me Partine Socialiste, por vetem respekt per qendrimin parimor te LSI te shprehur dhe kohe me pare. “Qendrimi yne nuk ka te beje as me kundervenie votash me dike dhe as me bashkim votash me dike tjeter. Qendrimi yne eshte parimor dhe une besoj se procesi i konsultimeve me NATO-n do te vijoje ne menyre konstruktive”, ka qene deklarata e Metes ne komunikimin me gazetaret. Njehere ai ka nenvizuar faktin se nuk ka asnje dijeni ne lidhje me shtyrjen per ne shtator te ketij projektligji, por ka permendur vetem qendrimin e vendosur te partise se tij per te vepruar konform konsulences se Aleances. “Nuk kam asnje informacion te tille. Pavaresisht nga kalendari qendrimi yne eshte i qarte dhe parimor”, tha Meta.