Berisha kerkon qe kompromisi qe po karakterizon reformen ne drejtesi, te shtrihet edhe tek reforma zgjedhore

Kryeministri Sali Berisha, njekohesisht Kryetar i Partise Demokratike, deklaroi dje gjate mbledhjes se grupit parlamentar, se eshte plotesisht e mundshme, qe ajo fryme qe karakterizoi diskutimin e ligjit per drejtesine, te karakterizoje edhe diskutimin per reformen zgjedhore si dhe per reformat e tjera. Ne mbledhjen e grupit parlamentar te PD-se, Kryeministri Berisha vleresoi punen e bere nga deputetet ne Komisionin e Ligjeve per sa i perket procesit te reformave, si dhe bashkepunimin me opoziten per reformimin e njerit prej sistemeve me kryesore te vendit, ate gjyqesor. “Ne kete kontekst, une dua te shpreh vullnetin e palekundur te mazhorances qe te procedoje ne te gjitha aspektet e tjera me keto reforma, ne interesin me te mire te vendit, te demokracise dhe konsolidimit te saj, si dhe per konsolidimin e kesaj klime, e cila eshte jetike per sistemin e demokracise”, tha Kryeministri. Duke theksuar se reformat jane themeli i nje sistemi demokratik, Kryeministri nenvizoi se “mbetet ende per te bere, nje pune me intensive ne javet ne vijim, per te konkretizuar rezultate ne reformen zgjedhore”. Kryeministri vleresoi pozitivisht faktin se ne kete aspekt ka perqasje te pranueshme nga te dy palet. “Zoti Rusmali se bashku me z. Islami kane vazhduar komunikimin dhe kane trajtuar opsione dhe mundesi me te cilat rezulton se eshte plotesisht e mundshme, qe ajo fryme qe karakterizoi diskutimin e ligjit per drejtesine, te karakterizoje edhe diskutimin per reformen zgjedhore, si dhe per reformat e tjera”, u shpreh Kryeministri. Duke vleresuar se fryma e bashkepunimit eshte jashtezakonisht e domosdoshme per lehtesimin e procesit te integrimit dhe konsolidimin e vlerave demokratike, Kryeministri Berisha theksoi se “ky proces i rendesishem do t’i jape demokracise se vendit dimensione te tjera”.