Berisha “magjistar”, gol si kundër Anglisë B

Besart Berisha prodhoi një nga magjitë e tij të munguara qysh nga miqësorja e Shqipërisë kundër Anglisë B në Bërnli. Sulmuesi i Kombëtares shqiptare shënoi golin e tretë në fitoren 3-0 të Bërnlit kundër Accrington Stanley.
Berisha ia doli të mposhtë tre mbrojtës kundërshtarë, duke lëshuar më pas një silurë, që bëri të pavlefshme përpjekjet e portierit zëvendësues Ian Dunbavin, në golin e parë të Besartit për Klaretsat. Një gol, që u kujtoi tifozëve golin e shënuar prej tij në "Turf Moor" kundër Anglisë B.
Trajneri i Bërnlit, Ouen Kojl thotë për mediat angleze: "Goli i Besartit do t'i japë atij më shumë besim. Unë jam i lumtur për të, tifozët ishin të jashtëzakonshëm me të dhe ai u shpërbleu atyre me një gol të madh. Ai shënoi një gol të mrekullueshëm dhe dhe ne do ta ndihmojmë atë të kthehet në nivelin që ka pasur më parë".