Berisha “mbyt” Kavajen me uje

Kryeministri Berisha mori pjese diten e djeshme ne inaugurimin e impiantit te ri te perpunimit te ujit, ne Manskuri te Kavajes. Ky projekt eshte nje bashkefinancim i Bankes Gjermane per Rindertim dhe qeverise shqiptare me vleren e rreth 4 milione eurove. Ujesjellesi i Manskurise parasheh te mbuloje furnizimin me uje te qytetit te Kavajes, zonave rurale perreth tij dhe plazhit te Golemit, ne menyre te pavarur nga Durresi. Ne fjalen e tij gjate perurimit te ujesjellesit te ri, Berisha falenderoi qeverine gjermane per mbeshtetjen e vazhdueshme qe po jep per ndertimin e disa veprave te rendesishme ne vend. Sipas tij, ndihma e qeverise gjermane gjate ketyre viteve arrin ne vleren e rreth 700 milione euro dhe i vendos shqiptaret ne krye te te gjitha kombeve per sa i perket ndihmes se ketij vendi per fryme. Ne ceremonine e perurimit merrte pjese edhe ministri i Puneve Publike, Sokol Olldashi.