Falja, lista ne dore te Topit
Lista e te denuarve qe shpresojne te falen ne kete fundvit ndodhet ne doren e kreut te shtetit, Bamir Topi. Presidenca po pergatit listen e personave te denuar te cilet pritet te perfitojne nga falja qe do te aplikohet nga kreut i shtetit, Topi, ne respekt te detyrimit te tij kushtetues. Sipas burimeve zyrtare, mesohet se tashme propozimet kane mberritur tashme ne zyrat e Presidences dhe po shqyrtohen me imtesi te gjitha dosjet te cilat plotesojne kriteret nepermjet te cilave perfitojne dhe faljen e fundvitit.
“Zyra juridike e Presidentit ende po pergatit dosjet e atyre te denuarve qe plotesojne kriteret per faljen”, ka deklaruar mbreme zedhenesja e Presidences, Mimoza Kociu. Ende nuk eshte bere e ditur se sa do te jete numri i te denuarve te cilet do te perfitojne nga falja e Presidentit Topi ne kete fundviti, por mesohet se me te favorizuar do te jene te miturit qe kane kryer krime dhe grate.
Per kreun e ri te shtetit, Bamir Topi eshte dhe lista e pare e te denuarve qe do te falen me rastin e festave te fundvitit, cka po pritet me shume interes nga te gjithe te denuarit, ata qe kane propozuar keto falje dhe nga familjaret e personave qe pretendojne per te perfituar nga ky atribut i kreut te shtetit. Vete Presidenti ka deklaruar se do te aplikoje faljen per nje kategori te caktuar te denuarish qe plotesojne kriteret, proces i cili pritet te perfundoje pas dates 20 dhjetor.
Propozimet per falje drejtuar Presidentit Topi, mesohet se kane mberritur nga njesi vendore ku jetojne familjaret e te denuarve per arsye te ndryshme familjare, nga shoqata, kryesisht per mbrojtjen e femijeve dhe te grave, por dhe nga radhet e politikaneve. Kane qene kryeparlamentarja Topalli dhe ministrja Bregu ato qe kane kerkuar perfshirjen ne listen e faljes se Presidentit te te miturve dhe grave, nen arsyetimin e perkrahjes per kete kategori por dhe per faktin se paraardhesi Moisiu i kishte lene jashte liste.
S.P
38
Eshte numri i personave te falur me rastin e festes se 90-vjetorit te Pavaresise me 27 nentor 2002, dhe festave te fundvitit, me 20 dhjetor 2002, nga ish-presidenti Alfred Moisiu, ndersa propozimet ishin kryer nga pushteti lokal
70
Te denuar u falen gjate dy dekreteve me 26 qershor 2003 dhe ne festat e fundvitit,
me 22 dhjetor te vitit 2003, nga ana e Presidentit te Republikes, ndersa ishin bere propozime dhe kerkesa
83
Persona u falen nga kreu i shtetit me rastin e festave te fundvitit, ne dy lista te vecanta, qe u kaluan nepermjet verifikimit te specialisteve te burgjeve. Dekretet u firmosen me 16 nentor 2004 dhe 24 dhjetor 2004
42
Me 24 nentor te vitit 2005 ka pasur nje dekret te Presidentit me rastin e festave te nentorit, por nuk ka pasur falje me rastin e festave te fundvitit, sikurse tre vitet e meparshme, duke liruar vetem 42 te denuar
132
Eshte numri me i madh i te denuarve te falur nga kreu i shtetit ne dy dekrete me 4 korrik 2006, pas propozimit te pushtetit lokal dhe me 24 nentor 2006, me rastin e festave te ketij muaji
Kerkesat per falje dhe komisioni filtrues
Ministria e Drejtesise deri dje nuk kishte marre asnje material per te verifikuar emrat e pretenduesve per falje. I pyetur nga gazeta “Koha Jone”, kreu i dikasterit te Drejtesise, Enkelejd Alibeaj, tha se “nuk ka mberritur ende ne institucion nje liste e tille”. Ai shtoi se nje grup specialistesh do te kryejne verifikimet e emrave nepermjet Drejtorise se Burgjeve per t’i kthyer Presidentit listen me emrat qe duhet te perfitojne. Por, ashtu sic dhe eshte deklaruar me pare nga deputetja Majlinda Bregu dhe ministri Alibeaj, perfituesit nga falja e fundvitit do te jene grate dhe te miturit, ndersa nuk behet e ditur asnje shifer e perfituesve.
Qe te perfitosh nga falja, sipas procedurave qe ndiqen nga Presidenca, burgjet dhe ministria e Drejtesise, se pari duhet qe cdo i burgosur t’i beje Presidentit nje kerkese, ne menyre te tille qe ky i fundit me pas te jete edhe ne listen e personave, te cilet do te shqyrtohen. Pasi lista kalon ne komisionin e specialisteve te Presidences per Rendin dhe Sigurine, i percillet me tej Ministrise se Drejtesise, qe e kalon ne filter dhe me pas Drejtorise se Burgjeve, qe verifikon gjendjen penale dhe dosjet e te denuarve.
Dy institucionet kane te drejte te sugjerojne mohimin e faljes per te denuarit, nese nuk permbushin kriteret e vendosura. Nga falja perjashtohen te denuarit per vrasje e krime te renda dhe perfitojne ata, te cileve u kane mbetur vetem pak vite apo muaj burg per te vuajtur dhe qe nuk perbejne rrezikshmeri shoqerore. Pikerisht, se pari, verifikohen akuzat e denimit, vitet qe i kane mbetur te burgosurve per te shlyer, nese e kane pranuar fajin me pare, si jane sjelle gjate viteve te vuajtjes se denimit dhe nese jane te afte te bejne nje jete normale dhe te fillojne nje pune. Pas verifikimeve lista i kthehet serish Presidences, se bashku me detajet per secilin prej pretendenteve. Te gjithe emrat kalojne ne nje komision te perbere nga 5 persona specialiste te institucioneve si Presidenca, Ministria e Drejtesise dhe Drejtorise se Pergjithshme te Burgjeve, te cilet bejne dhe perzgjedhjen perfundimtare. Ne fund eshte Presidenti qe hedh firmen per dekretimin e listes dhe faljeve te fundvitit.
Dekreti, nje “ritual” i pervitshem
Lista me emrat e te denuarve qe falen dekretohet brenda javes se fundit te vitit. Gjate pese viteve te fundit ka pasur nje numer te caktuar te denuarish qe kane perfituar lirine me dekret te ish-presidentit Alfred Moisiu, qe shkonin nga 30-100 persona. Madje, lirimet jane pasuar edhe me debate politike shpeshhere, pasi jane hedhur akuza per abuzime, lirim te te denuarve me rrezikshmeri shoqerore, apo shkelje te ligjeve.
Alibeaj: “Jemi ne pritjet te listes”
Ne Ministrine e Drejtesise nuk ka mberritur ende nje liste e te denuarve per faljet e fundvitit, proces qe kryhet nga Presidenca. Ministri Enkelejd Alibeaj tha dje, per gazeten “KJ”, se, “per momentin nuk ka mberritur asnje liste dhe jemi ne pritje nese mund te vij ditet e ardhshme”. Nese dokumenti do te mberrije, atehere nje grup specialistesh do te kryejne verifikimet ne bashkepunim me Drejtorine e Pergjithshme te Burgjeve. “Deri me sot (dje), nuk ka mberritur asnje liste ne lidhje me faljet, me vone nuk dihet”, u shpreh Alibeaj.
Majlinda Bregu akuzoi Moisiun
Ministrja e Integrimit, Majlinda Bregu, i drejtoi Presidentit te Republikes, Bamir Topi, (per dijeni dhe ministrit te Drejtesise, Enkelejd Alibeaj), nje leter-kerkese, lidhur me faljen e grave dhe te miturve, te denuar me burg. Bregu i ka kerkuar dy jave me pare Presidentit, gjetjen e te gjitha mundesive ligjore, per te bere te mundur lehtesimin e vuajtjes se ketij denimi nga keta te mitur dhe gra, pjesa me e madhe e te cilave jane viktime e dhunes ne familje. Nje vit me pare, pas publikimit te dekretit te Presidentit Moisiu, ku ai fali me rastin e festave te nentorit denimin e 70 te denuarve, Majlinda Bregu do te reagonte ne nje konference per shtyp me kritika te forta ndaj ketij vendimi, i cili ne zbatim te kompetencave te tij kushtetuese u kishte falur denimin 70 te denuarve, prej te cileve vetem 2 gra dhe asnje minoren. Ndersa kishin perfituar falje apo ulje vendimi 9 te denuar per trafikim lendesh narkotike, 12 te denuar per vjedhje me arme, 4 te denuar per vrasje, 1 i denuar per favorizim prostitucioni, 2 te denuar per tentative vrasjeje.