Berisha nuk di të ndalet

Besart Berisha po vazhdon të shkëlqejë në Australi. Ai sërish ishte protagonist kryesor i skuadrës Brisbane Roar. Sulmuesi kosovar shënoi dy gola për Roarin e cila fitoi si mysafire e Perth Glory me rezultat 0:3.

Berisha ka realizoi golin e dytë dhe të tretë për kampionin aktual të Australisë. Atij iu deshtë vetëm tre minuta për ta tundur dy herë rrjetën e kundërshtarit, fillimisht në minutën e 59 dhe 62-të.

Me dy golat e shënuar të shtunën ish sulmuesi i Hamburgut i prinë bindshëm listës së golashënuesve më të mirë në "A-League" me 17 gola të realizuara.

Pa dyshim se Berisha po kalon formën më të mirë të karrierës, derisa është edhe sulmuesi më i mirë shqiptar për momentin.

Pas paraqitjeve të mira, skuadra e Brisbane Roarit ditë më parë i ka vazhduar kontratën edhe për dy vjet Berishës, i cili tashmë është shndërruar në lojtar kryesor te kampioni aktual i Australisë.

Pas kësaj fitoreje, skuadra e sulmuesit prishtinas i ka tubuar 41 pikë, ndërsa mban vendin e dytë në "A-League", tri më pak sesa lideri i tabelës, Central Coast Mariners FC, që ka një takim më pak të zhvilluar.