Berisha urdher deputeteve Ne fundjave shperndahuni ne rrethe

Fundjava i ka gjetur deputetet demokrate neper rrethet e tyre per te qene sa me afer bazes e cila i ka zgjedhur si perfaqesuesit e saj ne Kuvendin e Shqiperise. Arsyeja per kete shtegtim ne baze duket se ka qene nje porosi e Kryeministrit Berisha dhene ne mbledhjen e grupit parlamentar te PD-se sipas se ciles cdo fundjave deputetet duhet te gjenden prane elektoratit. Direktiva e Berishes per te bere kete gje duket se ardhur si rezultat i veshtiresise se madhe qe pritet te hasin demokratet ne zgjedhjet parlamentare te qershorit te vitit 2013. Pavaresisht se ne zgjedhjet lokale PD arriti te merrte pas 11 vitesh Bashkine e Tiranes dhe nje pjese te mire te minibashkive ne kryeqytet ajo rezultoi se eshte forca e dyte politike ne vend. Ne rang vendi ndonese PD qeveris vendin eshte forca e dyte sipas madhesise sepse Partia Socialiste e drejtuar nga Edi Rama rezulton partia me e votuar ne vend. Ky rezultat normalisht i jep indicie te qarta drejtuesve te PD-se se keto dy vite duhen perdorur maksimalisht ne menyre qe mes demokrateve dhe qytetareve shqiptare te kete perafrim te ri. Ndonese Berisha eshte shprehur se PD-ja qeveris dhe do te vazhdoje ta beje kete per shkak se ka perdorur ne menyre shume te mire aftesine per te krijuar nje koalicion fitues mes radheve te demokrateve ndihet serish nevoja per te rritur edhe mbeshtetesit e tyre pas gjashte viteve qe po qeverisin vendin. Zgjedhjet lokale te 8 majit ishin nje test i mire per te gjitha partite per te pare mbeshtetjen ne elektorat dhe per te formuar strategjite per zgjedhjet e ardhshme ne vend te cilat kane rendesi te madhe ne drejtimin politik te Shqiperise per vitet e ardhshme. Nuk dihet se cila do te jete strategjia e plote e demokrateve per te rritur elektoratin mbeshtetes por dihet se puna ka nisur intensivisht per zhvillimin e takimeve me elektoratin mbeshtetes ne baze.