Berisha, vijojne urimet e lidereve evropian per fitoren

Kryetari i Partise Federale te Austrise, Josef Proll e konsideroi si nje sukses te madh fitoren e kryeministrit Berisha, ne zgjedhjet parlamentare te qershorit. Permes nje letre urimi, Josef Proll, thekson se mbeshtetja e madhe per zgjedhjet, ka ardhur si rezultat i perspektives evropiane qe qeverisja e djathte ofron. "Me lejoni t'u uroj per suksesin tuaj ne zgjedhjet e fundit parlamentare, te cilat perkrahin fuqishem udheheqjen politike te Partise Demokratike dhe deshmojne mbeshtetjen e vazhdueshme te votuesve shqiptare, per politiken dhe perkushtimin tuaj, per forcimin e perspektives evropiane per vendin tuaj", shkuan kryetari i Partise Federale te Austrise. Me tej, Proll, uron qe qeveria e re, e cila pritet te ndertohet, te jete e forte dhe e qendrueshme. "Une ju uroj gjithe te mirat per mandatin tuaj te ri dhe suksese ne ndertimin e nje qeverie te forte dhe te qendrueshme, e cila do te zbatoje reformat e nevojshme drejt rritjes se mireqenies dhe sigurise, ne te mire te qytetareve shqiptare", perfundon letra e Josef Proll. Menjehere pas mbylljes se procesit te numerimit ne adrese te kryeministrit Berisha, kane ardhur me dhjetera letra dhe telefonata urimi nga personalitete te larta te se djathtes evropiane dhe me gjere. Berisha eshte telefonuar nga kryeministri italian, Silvio Berluskoni, ai grek Kosta Karalamis, kongresmeni amerikan, Eliot Engel dhe nje sere personalitetesh te tjera.