Berluskoni vdes në art

Instalacioni i paraqitur ne pallatin "Ferrajoli" / Foto: Corriere della Sera

Me sytë mbyllur, i buzëqeshur, me kokën mbështetur në një jastëk sateni, i fjetur apo i vdekur. Mbi të gjitha i buzëqeshur, i mbyllur në një kuti qelqi. Mund ta ketë ëndërruar gjithmonë një statujë të vendosur jo shumë larg pallatit presidencial, por jo në këtë mënyrë.

Projekti quhet Ëndrra e italianëve (emërtim që ka të bëjë me shprehjen e përdorur prej tij në telefonatat me të dashurat) dhe është realizuar nga artistët Antonio Garullo e Mario Ottocento, të cilët janë edhe çifti i parë gei që është martuar në Amsterdam në vitin 2002.

Kavalieri prej silikoni është paraqitur në pallatin Ferrajoli, jo shumë larg selisë presidenciale, një zgjedhje kjo aspak rastësore.

Berluskoni i fjetur

Statuja prej silikoni është vendosur në një kuti qelqi, mbi një copë mëndafshi, si të ishte papë apo Bukuroshja e Fjetur e përrallave. Njëra dorë qëndron e vendosur mbi librin Një histori italiane, ndërsa tjetra tek pantallonat e zbërthyera. / G.N.