Betohet perkthyesi gati pyetjet per Ilir Kumbaron ne Londer

Vetem pese minuta ka zgjatur procesi gjyqesor per zhdukjen e biznesmenit shqiptaro-maqedonas Remzi Hoxha ne Gjykaten e Krimeve te Renda. E vetmja procedure e zhvilluar ishte ajo e betimit te perkthyesit qe do te ktheje nga gjuha shqipe ne ate angleze te pyetjeve qe do te dergohen me leterporosi ne Londer per Ilir Kumbaron nje nder te pandehurit e kesaj dosjeje. Ndonese ne procedura ekstradimi gjykata po sheh mundesine per te mos humbur kohe ndaj dhe ka pergatitur pyetjet per ti nisur me leterporosi drejt Anglise. Avokatet prokurori dhe vete gjykata i kane perfunduar ato por u duhej nje perkthyes per tia dorezuar ne anglisht materialin gjyqtarit britanik qe do ta zhvilloje kete seance. Pritet qe brenda nje kohe te shkurter te perfundoje perkthimi ndersa dje perkthyesi i anglishtes me licence nga Ministria e Drejtesise eshte betuar per ruajtje te sekretit per dokumentet qe do ti vihen ne dispozicion. Pasi pyetjet do te jene gati ne gjuhen angleze gjykata do tia vere ne dispozicion Ministrise se Drejtesise e cila do tia nise ato gjykates londineze qe do te marre ne pyetje Kumbaron pra do beje ekzekutimin e leterporosise. Kjo eshte e fundit leterporosi qe pritet te ekzekutohet per kete ceshtje pasi me pare ishte marre pergjigja per pyetjen e Avdyl Loshajt nga autoritetet gjyqesore kosovare.