Beyonce koncert ne Egjipt, reagojne ekstremistet

Pas anulimit te koncertit te Malajzise ku nje grup radikalesh kane protestuar gjate per performancen e saj ne skene, bukuroshja amerikane ka programuar nje koncert, ne nje vend tjeter islamik, ndoshta edhe me radikal. Behet fjale per Egjiptin ku kengetarja do performoje ne 6 nentor ne “Red Sea resort” te Port Ghalib.

Marreveshja me televizionin Al Arabiya parashikon shitjen e nje bilete te vetme per 400 dollare. Por kjo ndalese nuk po kalon pa polemika ne vendin e piramidave. Javen e shkuar, nje deputet radikal islamik, Hamdi Hassan, akuzoi qeverine se po lejon te kendoje nje personazh me performance te ulet etike dhe sipas tij, kjo thyen ligjin e Sharias. Ky eshte nje ligj religjoz islamik qe kuron disa aspekte te jetes familjare, seksuale, higjenike dhe sociale te shoqerise.

“Qeveria lejon qe njerezit te argetohen me mekatin, per te mbuluar krimet e tjera te kryera ndaj tyre”, tha Hassan ne seancen parlamentare. Kjo nuk eshte hera e pare qe ikonat e muzikes perendimore sulmohen nga politikanet ekstremiste te Kajros pasi ne vitin 2007, kleriku  Khaled-al-Gindi e etiketoi Shakiran si nje prostitute.