Bie fluksi, vala tjeter ne fundjave

Pas nje “boom”-i emigrantesh te regjistruar ne fundjave ne piken e kalimit kufitar te Kakavijes, mengjesin e djeshem dogana jugore ishte pothuajse e zbrazet. Burime nga vendkalimi kufitar bejne te ditur se ne baze te pervojes se viteve te kaluari, fluksi i kthimeve te emigranteve nga Greqia pritet te shenoje nje rritje te konsiderueshme ne fundin e kesaj jave. “Per te perballuar cdo situate te rritjes se papritur te fluksit te levizjes se emigranteve, ne kemi marre masat per rritjen e numrit te sporteleve te kontrollit te dokumenteve ne Kakavijen shqiptare”, thote drejtori i Policise Kufitare per Qarkun e Gjirokastres, Vasil Valera. Nga 3 sportele qe funksionojne ditet e zakonshem, tani ne Kakavije jane vendosur 11 te tille. Nderkohe, gjate kontakteve qe pala
shqiptare ka pasur me homologet e saj greke te Kakavijes, keta te fundit kane konfirmuar faktin se jane ne gjendje te perballojne cdo situate te rritjes se fluksit, pa shkaktuar radhe pritjeje per emigrantet qe levizin ne te dyja anet e kufirit shqiptaro-grek. Masa te tilla per shmangien e radheve te pritjes jane marre nga policia edhe ne stacionet kufitare te Sopikut dhe Tri Urave.
Pjese e planeve operacionale te policise shqiptare jane edhe masat e marra per mbajtjen nen vezhgim te rendit dhe qetesise publike ne doganat kufitare me Greqine. “Ne kemi rritur pranine tone per te shmangur cdolloj incidenti ne lidhje me rendin dhe qetesine publike ne mjediset e doganave kufitare gjate levizjes se renduar te fluksit te emigranteve per festat e fundvitit”, thote Valera. Policia e rendit dhe agjentet e policise kriminale vazhdojne te mbajne nen vezhgim situaten e levizjes ne doganat e Jugut, pasi, sipas tyre, “fluksi i renduar i emigranteve per festat e fundvitit mund te perdoret nga elementet e inkriminuar per te realizuar veprimtarine e tyre kriminale ne trafiqet e paligjshme”. Gjate veres se ketij viti per pushimet verore levizen ne te dyja anet e kufirit shqiptaro- grek rreth 220 mije emigrante.
Blerim Kore